កិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី៣ ទីស្តីការក្រសួង៖ នាព្រឹកថ្ងៃអង្គារ ទី១៧ ខែកញ្ញា ឆ្នាំ២០២៤ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមប្រឹក្សាភិបាល មន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី៣ ដោយមានការចូលរួមពីសមាជិកក្រុមប្រឹក្សាភិបាលដែលជាតំណាងមកពីក្រសួងស្ថាប័នពាក់ព័ន្ធ។ កិច្ចប្រជុំនេះត្រូវបានធ្វើឡើងដោយផ្តោតសំខាន់ទៅលើការពិនិត្យ និងអនុម័តលើរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគឆមាសទី១ ឆ្នាំ២០២៤ របស់មន្ទីរពិសោធន៍សំណង់ និងសាធារណការ (មពសស) និងបញ្ហាផ្សេងៗ ។ មពសស បានអនុវត្តអាជីវកម្ម-សេវាកម្ម និងការងារវិនិយោគឆមាសទី១ ឆ្នាំ២០២៤ របស់មន្ទីរពិសោធន៍សំណង់ និងសាធារណការ ធៀបនឹងលទ្ធផលឆមាសទី១ឆ្នាំ២០២៣ ទទួលលទ្ធផលល្អ។ ទន្ទឹមនឹងនេះ មពសស បានគោរពនូវរាល់គោលការណ៍ និងកាតព្វកិច្ច ជាសហគ្រាសសាធារណៈ ដោយបាន ប្រមូលពន្ធអាករលើតម្លៃបន្ថែម (VAT) ពីអតិថិជន និងពន្ធអាករផ្សេងៗ ជាច្រើនទៀតបង់ចូលថវិការដ្ឋយ៉ាងត្រឹមត្រូវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube