ទំព័រដើម / សេវាសាធារណៈ / ផ្តល់បណ្ណបើកបរ
ផ្តល់បណ្ណបើកបរ
វីដេអូណែនាំ
យោងតាមច្បាប់នៃព្រះរាជាណាចក្រកម្ពុជា អ្នកបើកបររថយន្ត ទោចក្រយានយន្ត និងត្រីចក្រយានយន្តដែលកំណត់ដោយច្បាប់ ត្រូវមានបណ្ណបើកបរ (មានសុពលភាព) ដែលចេញដោយអាជ្ញាធរមានសមត្ថកិច្ចនៃព្រះរាជាណាចក្រកម្ពុជា។
បច្ចុប្បន្ននេះ លោកអ្នកអាចដាក់ពាក្យស្នើសុំប្រឡងយកបណ្ណបើកបរ និងប្តូរបណ្ណបើកបរតាមប្រព័ន្ធស្វ័យប្រវត្តិកម្មផ្តល់បណ្ណបើកបរយានយន្ត របស់ក្រសួងសាធារណការ និងដឹកជញ្ជូន ដែលមានអាសយដ្ឋាន https://driverlicense.mpwt.gov.kh ឬទៅទីតាំងផ្តល់សេវាសាធារណៈ ដែលកំណត់ ដោយក្រសួងសាធារណការ និងដឹកជញ្ជូន ដូចជា នៅផ្សារទំនើបអ៊ីអន១ ផ្សារទំនើបអ៊ីអន២ អង្គភាពច្រកចេញចូលតែមួយរាជធានីខេត្ត មជ្ឈមណ្ឌលបណ្តុះបណ្តាលយានយន្តធុនធ្ងន់ និងនៅតាមមន្ទីរសាធារណការ និងដឹកជញ្ជូនរាជធានី ខេត្ត ទូទាំងប្រទេស ដើម្បីដាក់ពាក្យស្នើសុំប្រឡងយកបណ្ណបើកបរ។ ចំពោះ បណ្ណបើកបរប្រភេទ ក និងប្រភេទ ខ លោកអ្នកអាចដាក់ពាក្យស្នើសុំប្រឡងតាមប្រព័ន្ធស្វ័យប្រវត្តិកម្ម ដោយឡែកចំពោះបណ្ណបើកបរចាប់ពីប្រភេទ គ ឡើងទៅលោកអ្នកតម្រូវឱ្យទៅរៀននៅសាលាបង្រៀនបើកបរដើម្បីទទួលបានវិញ្ញាបនបត្រទទួលស្គាល់ការបើកបរទើបមានសិទ្ធិដាក់ពាក្យស្នើសុំប្រឡងយកបណ្ណបើកបរបាន។
តម្លៃសេវាប្រឡងយកបណ្ណបើកបរ:
| ប្រភេទ | តម្លៃ សម្រាប់ជនជាតិខ្មែរ | តម្លៃ សម្រាប់ជនជាតិបរទេស |
| ក “ម៉ូតូ” | ៣០ ០០០ រៀល | ១០០ ០០០ រៀល |
| ខ “រថយន្តទេសចរណ៍/គ្រួសារ” | ៩០ ០០០ រៀល | ១៨០ ០០០ រៀល |
| គ និង ឃ | ៩៥ ០០០ រៀល | |
| ង | ១០០ ០០០ រៀល |
សម្រាប់ការប្តូរ ពន្យារ ទុតិយតា និងតតិយតាបណ្ណបើកបរប្រភេទ ក មានតម្លៃ ២០,០០០ រៀល និងប្រភេទ ខ គ ឃ និង ង មានតម្លៃ ៣០,០០០ រៀល។ ឯកសារចាំបាច់ចំពោះពលរដ្ឋខ្មែរ ក្នុងការប្រឡងយកបណ្ណបើកបរ ប្តូរ និងពន្យារសុពលភាព រួមមាន៖
- អត្តសញ្ញាណបណ្ណសញ្ជាតិខ្មែរថតចម្លងដែលមានបញ្ជាក់ពីដោយអាជ្ញាធរមានសមត្ថកិច្ច
- រូបថត 4x6 ផ្ទៃពណ៌ស ចំនួន ៣ សន្លឹក
- លិខិតបញ្ជាក់កាយសម្បទា
- បណ្ណបើកបរចាស់ (សម្រាប់ការប្តូរ ពន្យារ ទុតិយតា និងតតិយតា)
- វិញ្ញាបនបត្របញ្ជាក់ការសិក្សាពីសាលាបង្រៀនបើកបរយានយន្ត (សម្រាប់ការប្រឡងយកបណ្ណបើកបរ ប្រភេទ គ ឃ និង ង)
ឯកសារចាំបាច់ចំពោះជនបរទេសដែលចង់ប្រឡងយកបណ្ណបើកបររបស់ប្រទេសកម្ពុជា ឬចង់ប្តូរពីបណ្ណបើកបរ ពីប្រទេសរបស់ខ្លួន មកយកបណ្ណបើកបរប្រទេសកម្ពុជាវិញ រួមមាន៖
- លិខិតឆ្លងដែន
- ទិដ្ឋាការដែលមានសុពលភាព
- លិខិតបញ្ជាក់ទីលំនៅបច្ចុប្បន្នដែលចេញដោយអាជ្ញាធរមានសមត្ថកិច្ច
- រូបថត 4x6 ផ្ទៃពណ៌ស ចំនួន ៣ សន្លឹក
- លិខិតបញ្ជាក់កាយសម្បទា
- បណ្ណបើកបររបស់ជាតិខ្លួនដែលមានសុពលភាព ក្នុងករណីមិនមែនជាភាសាអង់គ្លេស ឬបារាំងត្រូវបកប្រែជាភាសាអង់គ្លេស ឬខ្មែរពីស្ថានទូតនៃប្រទេសរបស់ខ្លួន (សម្រាប់ប្តូរបណ្ណបើកបរ)
- តម្លៃសេវាប្តូរបណ្ណបើកបរ ១២០,០០០ រៀល។
ទាញយកកម្មវិធី
សំណួរចម្លើយ
ដើម្បីអាចចុះបញ្ជីតាមប្រព័ន្ធស្វ័យប្រវត្តិកម្មបាន លោកអ្នកត្រូវ មាន ឬ បង្កើត E-mail រួចចូលទៅកាន់គេហទំព័រ https://vehicle.mpwt.gov.kh និងបំពេញបែបបទបង្កើតគណនី ក្រោយពីបង្កើតគណនីរួចត្រូវចូលទៅក្នុងE-mail របស់លោកអ្នកដើម្បី Activate រួចហើយលោកអ្នកអាចចូលទៅក្នុងប្រព័ន្ធដើម្បីបញ្ជាទិញលេខទុក ឬចុះបញ្ជីបាន។ដើម្បីអាចដាក់ពក្យប្រឡងយកបណ្ណបើកបរតាមប្រព័ន្ធអនឡាញបានលោកអ្នកត្រូវចូលទៅកាន់គេហទំព័រក្រសួង https://driverlicense.mpwt.gov.kh ដើម្បីបង្កើតគណនី រួចធ្វើការ Activate គណនីនៅក្នុង E-mail របស់លោកអ្នក ក្រោយមកលោកអ្នកអាចចូលទៅក្នុងប្រព័ន្ធដើម្បីដាក់ពាក្យប្រឡងបាន។ ឯកសារសម្រាប់ការប្រឡងយកបណ្ណបើកបរត្រូវមាន៖ អត្តសញ្ញាណបណ្ណ, រូបថត ៤x៦ ចំនួន៣សន្លឹក(ផ្ទៃព័ណ៌ស) និងវិញ្ញាបនបត្របញ្ជាក់កាយសម្បទា។ ឯកសារសម្រាប់ការប្រឡងយកបណ្ណបើកបរត្រូវមាន៖ អត្តសញ្ញាណបណ្ណ, រូបថត ៤x៦ ចំនួន៣សន្លឹក(ផ្ទៃព័ណ៌ស) និងវិញ្ញាបនបត្របញ្ជាក់កាយសម្បទា។
ការប្តូរ ឬពន្យារបណ្ណបើកបរសម្រាប់ប្រជាពលរដ្ឋខ្មែរត្រូវការឯកសារដូចជា៖ ១,បណ្ណបើកបរចាស់ ២,អត្តសញ្ញាណបណ្ណ ៣,វិញ្ញាបនបត្របញ្ជាក់កាយសម្បទា ៤,រូបថត ៤x៦ ផ្ទៃពណ៌ស ចំនួន ៣សន្លឹក និងអាចធ្វើបាននៅមណ្ឌលផ្តល់សេវាបណ្ណបើកបរផ្សារទំនើបអ៊ីអន I&II ឬ ផ្សារទំនើបជីបម៉ុងណូរ៉ូម់ល , ក្រសួងសាធារណការដឹកជញ្ជូន ឬមន្ទីរសាធារណការ និងដឹកជញ្ជូនរាជធានី-ខេត្តទាំង២៥ តម្លៃ៣០០០០៛ ។
សម្រាប់បណ្ណបើកបរដែលផុតសុពលភាពយូរឆ្នាំអាចប្តូរបណ្ណបើកបរដោយមិនចាំបាច់ប្រឡងដែរឬទេ និងមានការផាកពិន័យអត់?
អាចប្តូរបណ្ណបើកបរបានដោយមិនបាច់ប្រឡងទេ តែត្រូវជាប់ការផាកពិន័យ។ប័ណ្ណបើកបរដែលផុតសុពលភាពលើសពី ៣០ថ្ងៃត្រូវផាកពិន័យ ១ថ្ងៃ៥០០៛ (រថយន្តធុនតូច) ១ថ្ងៃ២០០០៛ សម្រាប់ (រថយន្តធុនធំ) ។
មិនអាចបើកបរម៉ូតូដែលមានកំលាំងសេះលើ១២៥CCបានទេ ត្រូវប្រឡងយកបណ្ណបើកបរប្រភេទ ក ទើបអាចបើកបរបាន។
ប្រឡងធ្លាក់ទ្រឹស្តីមិនអាចប្រឡងដៃចង្កូតបានទេ ត្រូវប្រឡងសងទ្រឹស្តីដោយមិនកំណត់ថ្ងៃទេ លុះត្រាប្រឡងទ្រឹស្តីជាប់ទើបអាចប្រឡងដៃចង្កូតបាន ។
"អាចប្ដូរបានតែត្រូវប្រឡង យកបណ្ណប្រភេទ “គ” ឡើងវិញ។ ចំពោះឯកសារមានដូចជាៈ ១, អត្តសញ្ញាណប័ណ្ណសញ្ជាតិខ្មែរ ២, លិខិតបញ្ជាក់កាយសម្បទា ៣, វិញ្ញាបនបត្របញ្ជាក់ការសិក្សាពីសាលាបង្រៀនបើកបរយានយន្ត(ចំពោះបណ្ណបើកបរយានយន្តប្រភេទ គ, ឃ, និង ង)។ ៤, រូបថត ៤ x ៦ ផ្ទៃពណ៌ស ៥, វិក័យបត្របង់ប្រាក់ តម្លៃក្នុងការប្រឡង ៩៥,០០០៛។"
ជនពិការ ដែលបានបញ្ញាក់កាយសម្បទាគ្រាប់គ្រាន់ និងមានវិញ្ញាបនបត្រចេញពីសាលារៀនបើកបរ អាចប្រឡងយកបណ្ណបើកបរបាន។
ជនបរទេសដែលចូលមកស្នាក់នៅស្របច្បាប់ ហើយមានបណងប្រឡងយកបណ្ណបើកបរប្រទេសកម្ពុជា អាចប្រឡងយកបណ្ណបើកបរកម្ពុជាប្រភេទ "ក" ឬ "ខ" បាន មានសុពលភាព១០ឆ្នាំ ត្រូវមានឯកសារដូចជា៖ ១,លិខិតឆ្លងដែន និងទិដ្ឋាការមានសុពលភាពរយៈពេលយ៉ាងតិច១៥ថ្ងៃ ២,លិខិតបញ្ជាក់អាសយដ្ឋានបច្ចុប្បន្នចេញដោយមេឃុំ ចៅសង្កាត់ ឬនគរបាលប៉ុស្តិ៍រដ្ឋបាលឃុំ សង្កាត់ ៣,លិខិតបញ្ជាក់កាយសម្បទា ៤,រូបថត ៤x៦ ផ្ទៃពណ៌ស ចំនួន ៣សន្លឹក ។
អ្នកកាន់បណ្ណបើកបរប្រភេទ
គ ឃ ឬ ង អាចសុំប្តូរយកបណ្ណបើកបរប្រភេទ
ខ បានដែលមានសុពលភាព ១០ឆ្នាំ។
ប៉ុន្តែមិនអាចប្តូរយកបណ្ណបើកបរប្រភេទ ក បានឡើយ។
នៅក្រោយប្តូរយកបណ្ណប្រភេទ ខ រួចហើយមិនអាចប្តូរត្រឡប់យកបណ្ណបើកបរប្រភេទ
គ ឃ ឬ ង វិញបានទេ។
បណ្ណបើកបរនីមួយៗកំណត់អាយុតាមប្រភេទដូចខាងក្រោមៈ
- ប្រភេទ ក និង ខ ត្រូវមានអាយុ១៨ឆ្នាំ យ៉ាងតិច
- ប្រភេទ គ និង ឃ១ ត្រូវមានងាយុ២២ឆ្នាំ យ៉ាងតិច
- ប្រភេទ ឃ២ និ ង ត្រូវមានអាយុ២៤ឆ្នាំ យ៉ាងតិច
បណ្ណបើកបរមានចំនួន
៥ប្រភេទដូចជាៈ ប្រភេទ ក ខ គ ឃ និង ង។ ហើយប្រភេទនីមួយៗមានមុខងារដូចខាងក្រោម៖
-ប្រភេទ កៈ សម្រាប់ទោចក្រយានយន្ត ដែលមានទំហំស៊ីឡាំងលើសពី ១២៥ សង់ទីម៉ែត្រគូប
ឬមានថាមពលអគ្គីសនីលើសពី១១គីឡូវ៉ាត់ ទោចក្រយានយន្តសណ្តោងរ៉ឺម៉ក និងត្រីចក្រយានយន្ត
-ប្រភេទ ខៈ សម្រាប់រយន្តដឹកអ្នកដំណើរមិនលើសពី៩នាក់
ដោយគិតពីនាក់បើកបររយន្ត
-ប្រភេទ គៈ សម្រាប់រយន្តដឹកទំនិញដែលមានទម្ងន់សរុបអតិបរមាលើសពី៣,៥តោន និងអាចសណ្តោងរ៉ឺម៉កដែលមានទម្ងន់សរុបអតិបរមាមិនលើសពី០,៧៥តោន
-ប្រភេទ ឃៈ សម្រាប់រយន្តដឹកអ្នកដំណើរចាប់ពី ១០នាក់ ដល់ ២០នាក់
ដោយគិតទាំងអ្នកបើកបរ និងអាចសណ្តោងរ៉ឺម៉កដែលមានទម្ងន់សរុបអតិបរមាមិនលើសពី០,៧៥តោន
-ប្រភេទ
ងៈ រយន្តប្រភេទ ខ គ និង ឃ មានសណ្តោងរ៉ឺម៉កដែលមានទម្ងន់សរុបអតិបរមានលើសពី០,៧៥តោន ត្រូវចែកជាបីប្រភេទគឺ ប្រភេទង(ខ) ប្រភេទង(គ) និងប្រភេទង(ឃ)។
ការប្រឡងយកបណ្ណបើកបរមានពីរដំណាក់កាល
គឺការប្រឡងទ្រឹស្តី និងប្រឡងដៃចង្កូត បេក្ខជនប្រឡងជាប់ទ្រឹស្តីតាមប្រព័ន្ធកុំព្យូទ័រ
ទើបមានសិទ្ធប្រឡងដៃចង្កូតនៅតាមទីលានប្រឡង ឬផ្លូវសាធារណៈដែលកំណត់ដោយក្រសួង។
ចម្លើយ៖ ជនបរទេសដែលប្រឡងបណ្ណបើកបរនៅកម្ពុជាមានសុពលភាព ១០ឆ្នាំ។ ដោយត្រូវភ្ជាប់សំណុំឯកសារដូចជា៖- លិខិតឆ្លងដែន និងទិដ្ឋាការមានសុពលភាពរយៈពេលយ៉ាងតិច ១៥ថ្ងៃ (លើកលែងចំពោះទិដ្ឋាការប្រភេទទេសចរណ៍)- លិខិតបញ្ជាក់អាសយដ្ឋានបច្ចុប្បន្នចេញដោយមេឃុំ ចៅសង្កាត់ ឬនគរបាលប៉ុស្តិ៍រដ្ឋបាលឃុំ/សង្កាត់- លិខិតបញ្ជាក់កាយសម្បទា (មាននៅទីតាំងផ្ទាល់)- រូបថត ៤x៦ ផ្ទៃពណ៌ស (មាននៅទីតាំងផ្ទាល់)ចំពោះតម្លៃ ១៨០.០០០៛។
អ្នកកាន់បណ្ណបើកបរយានយន្ដយោធា ដែលចេញដោយក្រសួងការពារជាតិ អាចប្ដូរយកបណ្ណបើកបរយានយន្ដជាប្រភទ ខ បានដោយត្រូវមានសំណុំឯកសារដូចខាងក្រោម៖- អត្តសញ្ញាណប័ណ្ណសញ្ជាតិខ្មែរ- លិខិតបញ្ជាក់កាយសម្បទា- បណ្ណបើកបរយានយន្ដយោធា ដែលត្រូវប្ដូរ (សម្រាប់តែគោលបំណងពិនិត្យផ្ទៀងផ្ទាត់ប៉ុណ្ណោះ)- បញ្ជីរាយនាមអ្នកកាន់បណ្ណបើកបរចេញដោយអង្គភាពសាមី- រូបថតទំហំ ៤x៦ ផ្ទៃពណ៌ស
ចម្លើយ៖ ជនបរទេសដែលយកបណ្ណបើកបរ នៅមានសុពលភាព ចេញដោយអាជ្ញាធរមានសម្ថកិច្ចនៃប្រទេសរបស់ខ្លួន
មកប្តូរយកបណ្ណបើកបរកម្ពុជា ដោយត្រូវភ្ជាប់សំណុំឯកសារដូចជា៖
- លិខិតឆ្លងដែន និងទិដ្ឋាការមានសុពលភាពរយៈពេលយ៉ាងតិច ៣០ថ្ងៃ (លើកលែងចំពោះទិដ្ឋាការប្រភេទទេសចរណ៍)
- បណ្ណបើកបរយានយន្តដែលត្រូវប្តូរសម្រាប់តែគោលបំណងពិនិត្យផ្ទៀងផ្ទាត់តែប៉ុណ្ណោះ
លិខិតបញ្ជាក់អាសយដ្ឋានបច្ចុប្បន្នចេញដោយមេឃុំ/ចៅសង្កាត់
ឬនគរបាលប៉ុស្តិ៍រដ្ឋបាលឃុំ/សង្កាត់
- លិខិតបញ្ជាក់កាយសម្បទា (មាននៅទីតាំងផ្ទាល់)
- រូបថត ៤x៦ ផ្ទៃពណ៌ស ។ (មាននៅទីតាំងផ្ទាល់)
តម្លៃ ១២០.០០០៛។
ករណីបាត់បណ្ណបើកបរយានយន្ត អាចធ្វើការស្នើសុំទុតិយតាបាន ដោយត្រូវទៅកាន់ផ្សារទំនើប AEON ទី១ ឬ AEON ទី២ ឬ ផ្សារទំនើបជីបម៉ុងណូរ៉ូម៉ល,ក្រសួងសាធារណនិងដឹកជញ្ជូន ,មន្ទីរសាធារណៈការ និងដឹកជញ្ជូនរាជធានី/ខេត្ដដែលនៅជិតលោកអ្នក ដោយត្រូវភ្ជាប់សុំណុំឯកសារដូចខាងក្រោម៖- អត្តសញ្ញាណប័ណ្ណសញ្ជាតិខ្មែរ- ពាក្យបណ្ដឹងអំពីការបាត់បណ្ណបើកបរមានបញ្ជាក់ពីនគរបាលប៉ុសិ៏្ដរដ្ឋបាល- លិខិតបញ្ជាក់កាយសម្បទា- រូបថតទំហំ ៤x៦ ផ្ទៃពណ៌ស។
ចម្លើយ៖ ការប្រឡងជាប់បណ្ណបើកបរប្រភេទ ក និង ខ មានសុពលភាពរយៈពេល ១០(ដប់)ឆ្នាំ។ ការប្រឡងជាប់បណ្ណបើកបរប្រភេទ គ ឃ និង ង មានសុពលភាពរយៈពេល ៥(ប្រាំ)ឆ្នាំ។
បណ្ណបើកបរប្រភេទ ក អាចដាក់ពាក្យប្រឡងនៅអគ្គនាយដ្ឋានដឹកជញ្ជូនផ្លូវគោក ឬមន្ទីរសាធារណៈការ និងដឹកជញ្ជូនរាជធានី/ខេត្តដែលនៅជិតលោកអ្នក។
ចម្លើយ៖ ប័ណ្ណបើកបរដែលផុតសុពលភាពលើសពី ៣០ថ្ងៃត្រូវផាកពិន័យ ១ថ្ងៃ៥០០៛ (រថយន្តធុនតូច) ១ថ្ងៃ២០០០៛ សម្រាប់ (រថយន្តធុនធំ) ។
