ថ្ងៃអង្គារ ១៥កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២១ ខែកញ្ញា ឆ្នាំ២០២១ នៅ ទីស្តីការក្រសួង ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងកម្មវិធីបើកវគ្គបណ្ដុះបណ្ដាលស្តីអំពីការប្រើប្រាស់ប្រព័ន្ធបំពេញពិន្ទុបណ្ណបើកបរឡើងវិញ និងកម្មវិធីដកពិន្ទុបណ្ណបើកបរ និងពិន័យបទល្មើសចរាចរណ៍ផ្លូវគោក ដោយមានការអញ្ជើញចូលរួមពីលោក ហ៊ាង សុទ្ធាយុត្តិ ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ និងមន្ត្រីជំនាញមកពីអគ្គនាយកដ្ឋានផ្លូវគោក។ វគ្គបណ្ដុះបណ្ដាលនេះរៀបចំឡើងក្នុងគោលបំណងដើម្បីបណ្ដុះបណ្ដាលដល់មន្ត្រីជំនាញទទួលបន្ទុកនៃអគ្គនាយកដ្ឋានដឹកជញ្ជូនផ្លូវគោកឱ្យបានយល់ច្បាស់អំពីរបៀបប្រើប្រាស់ប្រព័ន្ធ និងអាចគ្រប់គ្រងបាន លើការងារ ដែលពាក់ព័ន្ធនឹងការបំពេញពិន្ទុបណ្ណបើកបរឡើងវិញ បន្ទាប់ពីទទួលគ្រប់គ្រងប្រព័ន្ធនេះបន្ត៕