កំពង់ឆ្នាំង៖ នៅថ្ងៃទី១៣ ខែកុម្ភៈ ឆ្នាំ២០១៩នេះ មន្ទីរសាធារណៈការ និងដឹកជញ្ជូនខេត្តកំពង់ឆ្នាំង បានរៀបចំកិច្ចប្រជុំថ្នាក់ដឹកនាំមន្ទីរ មន្ត្រីរាជការ និងមន្ត្រីជាប់កិច្ចសន្យា ដើម្បីផ្សព្វផ្សាយអំពី៖ ១.បទបញ្ជាផ្ទៃក្នុងរបស់ក្រសួងសាធារណៈការ និងដឹកជញ្ជូន ២.សេចក្ដីថ្លែងការរបស់រាជរដ្ឋាភិបាល ៣.ផែនការសំខាន់ៗដែលត្រូវអនុវត្ត។ កិច្ចប្រជុំនេះប្រព្រឹត្តទៅក្រោមអធិបតីភាព លោក កែវ ពៅ ប្រធានមន្ទីរសាធារណៈការ និងដឹកជញ្ជូនខេត្តកំពង់ឆ្នាំង ព្រមទាំងមានការចូលរួមពីលោក អនុប្រធានមន្ទីរ លោក លោកស្រីប្រធាន អនុប្រធានការិយាល័យជាថ្នាក់ដឹកនាំមន្ទីរ មន្ត្រីរាជការក្នុងមន្ទីរ និងមន្ត្រីជាប់កិច្ចសន្យាចូលរួមផងដែរ៕