ក្រុមមការងារពិសេសចុះបង្ក្រាបយានយន្តដឹកជញ្ជូនលើសទម្ងន់ក្នុងខេត្តកណ្តាល និងខេត្តសៀមរាប កណ្តាល សៀមរាប៖ នៅថ្ងៃទី១០-១១ ខែកក្កដា ឆ្នាំ២០២៦ ដោយអនុវត្តតាមបទបញ្ជាផ្ទាល់របស់ ឯកឧត្តមរដ្ឋមន្រ្តី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ក្រុមការងារពិសេស ដឹកនាំដោយ ឯកឧត្តម ឯក រដ្ឋ អនុរដ្ឋលេខាធិការ និងជាប្រធានក្រុម បានចុះបង្ក្រាបយានយន្តធុនធ្ងន់ដឹកលើសទម្ងន់កម្រិតកំណត់នៅចំណុច២ទីតាំងផ្សេងគ្នា ដោយទទួលបានលទ្ធផលដូចខាងក្រោម៖ -នៅផ្លូវជាតិលេខ៨ គ.មលេខ៣០ ស្រុកខ្សាច់កណ្តាល ខេត្តកណ្តាល បានត្រួតពិនិត្យយានយន្តចំនួន ១១គ្រឿង ក្នុងនោះផ្ទុកលើសទម្ងន់ចំនួន៣គ្រឿង ដោយ២គ្រឿងលើសទម្ងន់ ១៤តោនដូចគ្នា និង១គ្រឿងទៀតលើស ២៩តោន។ -នៅផ្លូវជាតិលេខ៦៧ ស្រុកបន្ទាយស្រី ខេត្តសៀមរាប បានត្រួតពិនិត្យយានយន្តចំនួន ២គ្រឿង ផ្ទុកលើសទម្ងន់អនុញ្ញាតទាំង២គ្រឿង រហូតដល់២២តោន។