ក្រសួងសាធារណការ បង្ហាញបាទតារាងកម្រិតកំណត់ទម្ងន់អតិបរមាតាមប្រភេទយានយន្តដឹកជញ្ជូន ដូចមានចែងក្នុងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ (ភ្នំពេញ)៖ ក្រសួងសាធារណការ និងដឹកជញ្ជូន នាថ្ងៃទី១៧ ខែកក្កដា ឆ្នាំ២០២៦នេះ បានតារាងកម្រិតកំណត់ទម្ងន់អតិបរមាតាមប្រភេទយានយន្តដឹកជញ្ជូន ដូចមានចែងក្នុងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ថ្មី ដល់ម្ចាស់យានយន្ត ម្ចាស់ក្រុមហ៊ុនដឹកជញ្ជូន ឈ្វេងយល់បន្ថែម ជាព័ត៌មាន និងត្រៀមអនុវត្តតាមច្បាប់ឱ្យមានប្រសិទ្ធភាព។ មន្ត្រីជំនាញក្រសួងសាធារណការ និងដឹកជញ្ជូន បានបញ្ជាក់ឱ្យដឹងថា ក្រសូួងក្នុងពេលអន្តរការណ៍នេះមុននឹងអនុវត្តតាមច្បាប់ខាងលើជាធរមាន ក្រសួងសាធារណការ និងដឹកជញ្ជូន ត្រូវរៀបចំនីតិវិធី និងបែបបទបច្ចេកទេស ដើម្បីអនុវត្តឱ្យស្របច្បាប់ខាងលើឱ្យមានប្រសិទ្ធភាព។ ការធ្វើវិសោធនកម្មច្បាប់នេះ នឹងរឹតបន្តឹងយានយន្តដឹកលើសទម្ងន់កម្រិតកំណត់ ធានានូវសុវត្ថិភាពចរាចរណ៍ ពង្រឹងការគ្រប់គ្រង និងការអភិវឌ្ឍហេដ្ឋារចនាសម្ព័ន្ធផ្លូវថ្នល់ឱ្យកាន់តែមានគុណភាព និងសុវត្ថិភាព។ ការធ្វើវិសោធនកម្មច្បាប់នេះ ក៏ត្រូវបានធ្វើឡើងដើម្បីឆ្លើយតបទៅនឹងសំណូមពររបស់វិស័យឯកជន និងការវិវឌ្ឍជាក់ស្តែងនៃសង្គម-សេដ្ឋកិច្ច ដែលជាការងារអាទិភាពក្នុងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជាផងដែរ។ គួរបញ្ជាក់ថា ច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ឡាយព្រះហស្តលេខា ឱ្យប្រើប្រាស់ជាផ្លូវការ កាលពីថ្ងៃទី១០ ខែកក្កដា ឆ្នាំ២០២៦ផងដែរ៕