ក្រុមការងារត្រួតពិនិត្យពិសេស បានចុះបង្ក្រាបយានយន្តដឹកជញ្ជូនលើសទម្ងន់ ក្នុងខេត្តក្រចេះ ក្រចេះ៖ នៅវេលាយប់ថ្ងៃទី១២ ខែឧសភា ឆ្នាំ២០២៦ ដោយអនុវត្តតាមបទបញ្ជាផ្ទាល់របស់ ឯកឧត្តមរដ្ឋមន្រ្តី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ឯកឧត្តម ឯក រដ្ឋ បានដឹកនាំក្រុមការងារ និងមានការចូលរួមពីមន្រ្តីស្ថានីយកាំពី ខេត្តក្រចេះ បានចុះត្រួតពិនិត្យ និងបង្ក្រាបយានយន្តដឹកជញ្ជូនលើសទម្ងន់កម្រិតកំណត់នៅលើផ្លូវជាតិលេខ៧ គ.មលេខ៣៣០(ក្បែររង្វង់មូលខ្លាស្ទុះ) ក្រុងក្រចេះ ខេត្តក្រចេះ។ ជាលទ្ធផល ក្រុមការងារបានត្រួតពិនិត្យយានយន្តសរុបចំនួន ២គ្រឿង មានបិទឡូហ្គោ TS ដោយលេីសទម្ងន់កំណត់ចំនួន២៤តោន និង៣៣តោន គិតជាភាគរយស្មេីនឹង៦០% និង ៧៣%។