ពិធីចុះជួបសំណះសំណាល សួរសុខទុក្ខ ក្រុមការងារចលនាស្រ្តី ភូមិ ឃុំ និងគ្រួសារវីរៈកងទ័ពជួរមុខnគ្រួសារភៀសសឹក នៃស្រុកកោះធំ ខេត្តកណ្តាល និងអបអរសាទរ ខួបលើកទី១១៥ ទិវាអន្តរជាតិនារី ៨ មីនា ឆ្នាំ២០២៦ ក្រោមប្រធានបទ “សន្តិភាព និងសន្តិសុខសម្រាប់ស្ត្រី និងគ្រួសារ" ក្រោមអធិបតីភាព លោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ និងជាប្រធានក្រុមការងារចលនាស្រ្តី ស្រុកោះធំ ខេត្តកណ្ដាល ស្រុកកោះធំ ខេត្តកណ្តាល៖ នាព្រឹកថ្ងៃសៅរ៍ ទី២៨ ខែមីនា ឆ្នាំ២០២៦ លោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ និងជាប្រធានក្រុមការងារចលនាស្រ្តី ស្រុកោះធំ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ និងស្អាង បានអញ្ជើញចុះជួបសំណះសំណាល សួរសុខទុក្ខ ក្រុមការងារចលនាស្រ្តី សម្រាប់ការងារបណ្ដាញចលនាស្រ្តី ភូមិ ឃុំ នៃស្រុកកោះធំ ខេត្តកណ្តាល និងគ្រួសារវីរៈកងទ័ពជួរមុខ គ្រួសារភៀសសឹក និង អបអរសាទរ ខួបលើកទី១១៥ ទិវាអន្តរជាតិនារី ៨ មីនា ឆ្នាំ២០២៦ កន្លងទៅនេះ ក្រោមប្រធានបទ "សន្តិភាព និងសន្តិសុខសម្រាប់ស្ត្រី និងគ្រួសារ " ។ ពិធីនេះមានការចូលរួមពី ឯកឧត្តម លោកជំទាវ លោក លោកស្រី អនុប្រធាន និងសមាជិកា ក្រុមការងារចលនាស្រ្តី នៃក្រុមការងាររាជរដ្ឋាភិបាលចុះមូលដ្ឋានស្រុកកោះធំ និងក្រុមការងារចលនាស្រ្តី ថ្នាក់ស្រុក នឹងឃុំទាំង៦ ក្នុងស្រុក គ្រួសារវីរៈកងទ័ពជួមុខ គ្រួសារជនភៀសសឹក សរុប ១២៥នាក់។ កម្មវិធីនេះត្រូវបានធ្វើឡើងក្នុងគោលបំណង ផ្សព្វផ្សាយ នូវព្រះរាជសារ សម្តេចព្រះមហាក្សត្រី នរោត្តមមុនីនាថ ព្រះវរៈរាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល និងបន្តយកចិត្តទុកដាក់គាំទ្ររាល់សកម្មភាពស្ត្រីចូលរួមក្នុងសង្គមទាំង ថ្នាក់ជាតិ និងថ្នាក់ក្រោមជាតិ ដើម្បីជម្រុញ និងផ្តល់ឱកាស ដល់ស្រ្តីឲ្យបានច្រើនថែមទៀត។ ជួយពង្រីកចំណងសាមគ្គីភាពផ្ទៃក្នុងក្រុមការងារចលនាស្រ្តី ក្នុងមូលដ្ឋានស្រុក ពង្រឹងការអនុវត្តភារកិច្ចរបស់ក្រុមការងារចលនាស្រ្តីនៅតាមស្រុក ឃុំ ភូមិ និងបង្កើននិរន្តភាពការសហការគ្នាលើកកម្ពស់សីលធម៌សង្គម ផ្តល់តម្លៃស្រ្តី តាមសង្គមគ្រួសារផងដែរ៕