វិមានឯករាជ្យខេត្តមណ្ឌលគិរី បាន និងកំពុងលើកសម្រស់ខេត្តភូមិភាគឦសានមួយនេះ ឱ្យកាន់តែមានមានសោភ័ណភាពស្រស់បំព្រង បង្កើនសក្តានុពលវិស័យទេសចរណ៍ និងកែប្រែមុខមាត់ថ្មីរបស់ខេត្តឱ្យកាន់តែមានភាពរីកចម្រើនបន្ថែមទៀត។ វិមានឯករាជ្យ ស្ថិតក្នុងក្រុងសែនមនោរម្យនេះ មានកម្ពស់២៤ម៉ែត្រ បញ្ចុះបឋមសិលាសាងសង់នៅថ្ងៃទី០៩ ខែកញ្ញា ឆ្នាំ២០១៨ និងបញ្ចប់ការសាងសង់ក្នុងខែវិច្ឆិកា ឆ្នាំ២០២១។ ដើម្បីបង្កើនសោភ័ណភាពវិមានឯករាជ្យនេះឱ្យកាន់តែស្រស់ស្អាត រដ្ឋបាលខេត្តបានធ្វើការដាំដើមឈើជាច្រើនប្រភេទដែលបង្ហាញពីធនធានធម្មជាតិរបស់ខេត្តមណ្ឌលគិរី ព្រមទាំងបង្ហាញពីវប្បធម៌ជនជាតិដើមភាគតិចព្នង និងអត្តសញ្ញាណជាតិនៃខេត្ត ព្រមទាំងចម្លាក់រូបសេះ រូបផ្លែឃ្លោក រូបនាគ និងកន្លែងកម្សាន្តជាច្រើនទៀតផងដែរ៕ ប្រភពរូបភាពពី៖ ក្រុមកណ្តៀរ