កិច្ចប្រជុំ ស្ដីពីសិក្សាសមិទ្ធិលទ្ធភាពក្នុងការរៀបចំប្រព័ន្ធដឹកជញ្ជូនសាធារណៈតាមរថយន្តក្រុងអគ្គិសនី E-Bus នៅក្រុងសៀមរាប សៀមរាប៖ នាព្រឹកថ្ងៃសុក្រ ថ្ងៃទី២៦ ខែមេសា ឆ្នាំ២០២៤ លោក គង់ សុផល អគ្គនាយករង តំណាង ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក និងលោក ហង្ស វុទ្ធិកា អគ្គនាយករង នៃអគ្គនាយកដ្ឋានភាពជាដៃគូរវាងរដ្ឋ និងឯកជន នៃក្រសួងសេដ្ឋកិច្ច និងហិរញ្ញវត្ថុ បានអញ្ជើញចូលរួមជាសហប្រធាន ដឹកនាំកិច្ចប្រជុំដំបូង ក្នុងការចាប់ផ្តើមអនុវត្តគម្រោងសិក្សាសមិទ្ធិលទ្ធភាពពេញលេញក្នុងការរៀបចំប្រព័ន្ធដឹកជញ្ជូនសាធារណៈតាមរថយន្តក្រុងអគ្គិសនី E-Bus នៅក្រុងសៀមរាប ដែលជាជំនួយរបស់ធនាគារអភិវឌ្ឍន៍អាស៊ីADB តាមរយៈអង្គការ ផ្តើមគំនិតអភិវឌ្ឍន៍ទីក្រុងសម្រាប់តំបន់អាស៊ី(CDIA)។ គោលបំណងនៃកិច្ចប្រជុំនេះ ត្រូវបានរៀបចំឡើងដើម្បីពិនិត្យ និងពិភាក្សាលើទិដ្ឋភាពបច្ចេកទេសទូទៅនៃគម្រោង និងក្របខណ្ឌនៃការអនុវត្តយន្តការភាពជាដៃគូរវាងរដ្ឋ និងឯកជន ក៏ដូចជាគោលការណ៍ណែនាំក្នុងការរៀបចំការសិក្សាសមិទ្ធិលទ្ធភាពនៃគម្រោងនេះផងដែរ។ កិច្ចប្រជុំនេះក៏មានការចូលរួមដោយផ្ទាល់ និងតាមប្រព័ន្ធវីដេអូពីចម្ងាយមានដូចជា WB,ADB,CDIA, GGGI, DORNIER, KCC, រដ្ឋបាលខេត្តសៀមរាប និងមន្ត្រីពាក់ព័ន្ធជាច្រើនរូបផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.YouTube