កម្មវិធីបាឋកថាស្តីពី Perspective on the Development of Logistics, Transportation and Port in Cambodia ក្រោមកិច្ចសហការរៀបចំដោយ ទីភ្នាក់ងារសហប្រតិបត្តិការអន្តរជាតិជប៉ុន (JICA) និងអ្នកជំនាញការជប៉ុន នៅរសៀលថ្ងៃទី២០ ខែធ្នូ ឆ្នាំ២០២៣ វិទ្យាស្ថានតេជោសែនសាធារណការ និងដឹកជញ្ជូន ក្រោមកិច្ចសហការជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA) បានរៀបចំកម្មវិធីបាឋកថាមួយស្តីពី Perspective on the Development of Logistics, Transportation and Port in Cambodia ដោយបានប្រព្រឹត្តទៅ ក្រោមអធិបតី លោក សយ សេរីសុវឌ្ឍនៈ នាយករងវិទ្យាស្ថាន តំណាងលោកនាយកវិទ្យាស្ថានស្តីទី ដោយមានការចូលរួមពី លោក លោកស្រី ថ្នាក់ដឹកនាំវិទ្យាស្ថាន មន្រ្តីរាជការ និងនិស្សិតវិទ្យាស្ថានប្រមាណ ២០០នាក់។ គោលបំណងសំខាន់នៃកម្មវិធីបាឋកថានេះ គឺដើម្បីចែករំលែកចំណេះដឹង និងបទពិសោធន៍នានារបស់អ្នកជំនាញការជប៉ុន លើប្រធានបទចំនួន ៣ រួមមាន៖ ការអភិវឌ្ឍន៍វិស័យភស្តុភារកម្ម វិស័យដឹកជញ្ជូន និងកំពង់ផែ នៅកម្ពុជា។ ជាលទ្ធផល មន្រ្តី និងនិស្សិតវិទ្យាស្ថានបានទទួលចំណេះដឹង និងបទពិសោធន៍ល្អៗ ពីអ្នកជំនាញការជប៉ុនដែលមានបទពិសោធន៍យូរឆ្នាំលើជំនាញសេដ្ឋកិច្ច ដឹកជញ្ជូន ភស្តុភារកម្ម និងនិងការអភិវឌ្ឍកំពង់ផែនៅកម្ពុជា ជាពិសេសសកម្មភាពការងារ និងការអនុវត្តគម្រោងនានា ក្រោមជំនួយរបស់ប្រទេសជប៉ុន (Japan ODA)៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube