(ព្រះវិហារ)៖ អាជ្ញាធរខេត្តព្រះវិហារកាលពីរសៀលថ្ងៃទី២៦ ខែមិថុនា បានបើកការដ្ឋានធ្វើផ្លូវក្រួសក្រហមប្រវែង១.២០០ម៉ែត្រ នៅភូមិភារកិច្ច សង្កាត់ប៉ាលហាល និងសម្ភោធសមិទ្ធផលផ្លូវនានា ក្នុងក្រុងព្រះវិហារ។ លោក ប៉ុក ងួន អភិបាលក្រុងព្រះវិហារបានលើកឡើងថាៈ គណៈអភិបាល ក្រុមប្រឹក្សា ក្រុង បាននឹងកំពុងខិតខំប្រឹងប្រែងបំពេញតួនាទីភារកិច្ចរបស់ខ្លួនក្នុងដែនសមត្ថកិច្ចប្រកប ដោយទំនួលខុសត្រូវខ្ពស់។ ដោយបានពុះពារជំនះឧបសគ្គ ការលំបាកបញ្ហាប្រឈម ដែលកើត ឡើងក្នុងរដ្ឋបាលដែនដីរបស់ខ្លួន។ ជាពិសេសការផ្តល់សេវាសាធារណៈជូនប្រជាពលរដ្ឋប្រកប ដោយប្រសិទ្ធិភាព តម្លាភាពនិងឆាប់រហ័ស។ លោក គីម រិទ្ធី អភិបាលខេត្តព្រះវិហារបានអបអរសាទរ ជាមួយប្រជាពលរដ្ឋក្នុង ក្រុងព្រះវិហារ ដែលនឹងទទួលបាននូវសមិទ្ធផលថ្មីមួយទៀត បន្ថែមទៅលើសមិទ្ធដែលមានច្រើនទៀតកន្លងមក។ ដែលរាជរដ្ឋាភិបាលក៏ដូចជាអាជ្ញាធរខេត្ត-ក្រុង-ស្រុក តែងតែបាន គិតគូរ ពីតម្រូវការនានានៅមូលដ្ឋានជាប្រចាំតាមរយៈការអភិវឌ្ឍន៍ហេដ្ឋារចនាសម្ព័ន្ធនានា ដោយផ្តើម ចេញពីទីប្រជុំជនឆ្ពោះទៅកាន់ជនបទ។ សមិទ្ធផលដែលត្រូវបើកការដ្ឋានសាងសង់ថ្មីមួយទៀតនាពេលនេះ គឺផ្លូវក្រួសក្រហមប្រវែង១.២០០មែត្រ និងសម្ភោធដាក់ឱ្យប្រើប្រាស់នូវសមិទ្ធផលផ្លូវនានា។ ក្នុងនោះរួមមាន ផ្លូវក្រាលកៅស៊ូប្រភេទAC ផ្លូវក្រាលកៅស៊ូប្រភេទDBST ការដាក់លូហើយបាននឹងកំពុងអនុវត្តបន្តសម្រាប់ ឆ្នាំ២០២៣នេះ ទៅលើការកសាងហេដ្ឋារចនាសម្ព័ន្ធរូបវន្តជាច្រើនទៀត៕