លោក ចៅ សុភៈភិបាលអគ្គនាយករង នៃអគ្គនាយកដ្ឋានប្រព័ន្ធចម្រោះទឹកកខ្វក់ បានដឹកនាំក្រុមការងារបច្ចេកទេស ចុះពិនិត្យការងារសាងសង់កែលម្អរោងចក្រប្រព្រឹត្តកម្មទឹកកខ្វក់ (MPWT-CW4) នៅខេត្តសៀមរាប។ គោលបំណងនៃការត្រួតពិនិត្យគឺដើម្បីតាមដាន និងវាយតម្លៃវឌ្ឍនភាពរបស់ក្រុមហ៊ុនទទួលបន្ទុកសាងសង់ ដើម្បីធានាបាននូវប្រសិទ្ធភាពការងារប្រកបដោយការទទួលខុសត្រូវស្របតាមកិច្ចសន្យា។ គម្រោង​នេះ​សម្រេច​បាន​ជាង ២៣ ភាគរយ​នៅ​ចុង​ខែ​មុន​។ អាជ្ញាធរ និង​ប្រជាពលរដ្ឋ​ក្នុង​មូលដ្ឋាន​បាន​កោតសរសើរ​ចំពោះ​ដំណើរការ​នៃ​គម្រោង​នេះ​។ ក្រុមការងារបច្ចេកទេសក៏បានចុះពិនិត្យស្ថានភាពស្ថានីយ៍បូមទឹកថ្មីចំនួន២កន្លែង ដោយផ្តោតលើលក្ខណៈបច្ចេកទេសដើម្បីធ្វើការសិក្សាលម្អិត។ ពួកគេបាន​ជួប​ពិភាក្សា​ការងារ​ជាមួយ​ក្រុមហ៊ុន​ទទួលបន្ទុក​សាងសង់​ផ្លូវ​​ដំឡើង​បណ្តាញ​លូ​ផងដែរ។ ក្រៅ​ពី​រោងចក្រ​ប្រព្រឹត្តិកម្ម​ទឹក​សំណល់​នៅ​ខេត្ត​សៀមរាប រោងចក្រ​ប្រព្រឹត្តិកម្ម​ទឹក​កខ្វក់​ថ្មី​ក៏​កំពុង​សាងសង់​នៅ​ខេត្ត​ព្រះសីហនុ និង​រាជធានី​ភ្នំពេញ​ផង​ដែរ។ ទាំងនេះគឺជាផ្នែកមួយនៃគោលបំណងរបស់រដ្ឋាភិបាលក្នុងការបង្កើនការការពារបរិស្ថាន និងផ្តល់សេវាកម្មដល់ចំណួនប្រជាជនដែលកំពុងកើនឡើង។