កម្ពុជាបាននឹងកំពុងសិក្សាពីគម្រោងស្ដារ និងជីកអូរ ព្រែក បឹងប្រវែងប្រមាណជា១៦៨គីឡូម៉ែត្រ ពីទន្លេបាសាក់ និងព្រែកអំបិល ក្នុងខេត្តកណ្តាល ឆ្ពោះទៅកាន់មាត់សមុទ្រក្នុងភូមិសាស្រ្តខេត្តកែប ដើម្បីបង្កើតកំពង់ផែ ដែលនឹងអាចឲ្យនាវាដឹកទំនិញធំៗចរាចរណ៍ទៅមកបានរវាងទន្លេ និងសមុទ្រ ដែលនេះគឺជាការបង្កើតច្រកសេដ្ឋកិច្ចថ្មីមួយទៀតក្នុងការដោះដូរទំនិញសម្រាប់កម្ពុជា និងអន្តរជាតិ។ នេះបើតាមការលើកឡើងរបស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នាព្រឹកថ្ងៃទី២៥ ខែមេសា ឆ្នាំ២០២២ ខណៈដែលឯកឧត្ដមអញ្ជើញពិនិត្យវឌ្ឍនភាព នៃការសាងសង់ចំណតផែរណបពហុបំណងTS11 នៅរាជធានីភ្នំពេញ។