កណ្តាល៖ ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានគណៈអចិន្ត្រៃយ៍ក្រុមការងារគណបក្សចុះមូល ដ្ឋានស្រុកកោះធំ នៅថ្ងៃសៅរ៍ ទី២៨ ខែសីហា ឆ្នាំ២០២១នេះ បានអញ្ជើញដឹកនាំកិច្ចប្រជុំផ្សព្វផ្សាយផែនការសកម្មភាព និងកម្មវិធីការងារសំខាន់ៗឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ អាណត្តិទី៥ ឆ្នាំ២០២២ ដោយមានអញ្ជើញចូលរួម ពីឯកឧត្តម លោកជំទាវ ប្រធាន-អនុប្រធានក្រុមការងារគណបក្សចុះជួយស្រុក ឯកឧត្តមប្រធាន-អនុប្រធានក្រុមការងារគណៈបក្សចុះជួយឃុំ សមាជិកសមាជិកាគណៈអចិន្ត្រៃយ៍គណបក្សស្រុក និងប្រធានគណបក្សឃុំទាំង១១នៅស្រុកកោះធំ ខេត្តកណ្តាលសរុបទាំងអស់៦៨រូប។ នាឱកាសនោះ ឯកឧត្តមទេសរដ្ឋមន្ត្រី បានជំរុញណែនាំឱ្យក្រុមការងារគណបក្សពាក់ព័ន្ធចុះបំពាក់អំពូលភ្លើងសូឡាបំភ្លឺផ្លូវនានានៅតាមបណ្តាភូមិទាំងឡាយក្នុងស្រុកដើម្បីជួយសម្រួលដល់ការ រស់នៅ ក៏ដូចជាធ្វើឱ្យប្រសើរឡើងដល់សន្តិសុខ និងសុវត្ថិភាពជូនប្រជាជននៅស្រុកកោះធំ និងបានស្នើ សុំឱ្យក្រុមការងារគណបក្សចុះជួយស្រុក និងក្រុមការងារគណបក្សចុះជួយឃុំសហការគ្នាឱ្យបានជិតស្និទ្ធ ដើម្បីផ្គូផ្គងបេក្ខភាពចូលរួមការបោះឆ្នោតជ្រើសរើសក្រុមប្រឹក្សាឃុំ អាណត្តិទី៥ ឱ្យបានចប់សព្វគ្រប់ យ៉ាង យូរត្រឹមខែតុលា ឆ្នាំ ២០២១ ដើម្បីដាក់ជូនថ្នាក់ដឹកនាំពិនិត្យចុងក្រោយ។ ជាមួយគ្នានោះដែរ ឯកឧត្តមទេសរដ្ឋមន្ត្រី សំណូមពរឱ្យក្រុមការងារពាក់ព័ន្ធទាំងអស់ចុះជួយស្រុក ចុះជួយឃុំសហការ និងសាមគ្គីភាពគ្នាឱ្យបានជិតស្និទ្ធ ដើម្បីទទួលបានជោគជ័យក្នុងការបោះឆ្នោត ជ្រើសរើសក្រុមប្រឹក្សាឃុំ អាណត្តិទី៥ ដែលនឹងប្រព្រឹត្តទៅទី៥ ខែមិថុនា ឆ្នាំ២០២២ និងបានស្នើឱ្យក្រុម ការងារពាក់ព័ន្ធទាំងអស់ខិតខំប្រឹងប្រែងជួយផ្សព្វផ្សាយអំពីសមិទ្ធផលសម្រេចបានទាក់ទងនឹងការចាក់ វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ ក្រោមការដឹកនាំប្រកបដោយគតិបណ្ឌិតរបស់សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ ដើម្បីឱ្យប្រជាពលរដ្ឋបានដឹងជ្រួត ជ្រាបទូលំទូលាយ អំពីកិច្ចខិតខំប្រឹងប្រែងនេះ។ គួរកត់សម្គាល់ថា៖ យោងតាមរបាយការណ៍វឌ្ឍនភាពស្ដីពីការចាក់វ៉ាក់សាំងបង្ការជំងឺកូវីដ-១៩ របស់អនុ គណៈកម្មការតាមដាន និងវាយតម្លៃនៃគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខ័ណ្ឌ ទូទាំងប្រទេសគិតចាប់ពីថ្ងៃទី១០ ខែកុម្ភៈ រហូតដល់ថ្ងៃទី២៧ ខែសីហា ឆ្នាំ២០២១ ការចាក់វ៉ាក់សាំងជូន ប្រជាជនដែលមានអាយុចាប់ពី១៨ឆ្នាំឡើងសម្រេចបាន៨៩,៤២%ធៀបនឹងប្រជាជនដែលត្រូវចាក់វ៉ាក់ សាំងចំនួន១០លាននាក់ និងការចាក់វ៉ាក់សាំងជូនប្រជាជនដែលមានអាយុចាប់ពី១២ឆ្នាំ រហូតដល់ ក្រោមអាយុ១៨ឆ្នាំសម្រេចបាន៦៩,៤៧% ធៀបនឹងចំនួនប្រជាជនដែលត្រូវចាក់វ៉ាក់សាំងចំនួន ១ ៩៦៦ ៩៣១នាក់ និងជារួមការចាក់វ៉ាក់សាំងជូនប្រជាជនក្នុងក្របខណ្ឌទូទាំងប្រទេសសម្រេចបាន ៦៤,៤៣% ធៀបនឹងប្រជាជនចំនួន១៦លាននាក់៕