[Sky Radio] - ក្រសួងសាធារណការ ផ្អាកដំណើរការបង្រៀនបើកបរយានយន្ត និងប្រឡងយកបណ្ណបើកបរយានយន្ត រយៈពេល ១៥ថ្ងៃ
2020-12-02
ទៅកាន់ទំព័រចុះផ្សាយក្នុង Sky Radio
(ភ្នំពេញ)៖ នាថ្ងៃទី២ ខែធ្នូ ឆ្នាំ២០២០នេះ ដោយអនុសាសន៍ដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាកាលពីថ្ងៃទី ៣០ ខែវិច្ឆិកាឆ្នាំ ២០២០ ដើម្បីចូលរួមចំណែកក្នុងការទប់ស្កាត់ការរីករាលដាលនៃជំងឺកូវីដ-១៩ ក្នុងសហគមន៍ ក្រសួងសាធារណការ និងដឹកជញ្ជូន បានផ្អាកដំណើរការបណ្តុះបណ្តាល នៅតាមសាលាបង្រៀនបើកបរយានយន្ត និងប្រឡងយកបណ្ណបើកបរយានយន្ត រយៈពេល ១៥ថ្ងៃ ដោយអនុវត្តចាប់ពីថ្ងៃទី០១ ខែធ្នូ តទៅ។
ជាមួយគ្នានោះ ក្រសួងសាធារណការ បានដាក់ចេញនូវវិធានការសំខាន់ៗចំនួន២៖ ១. ផ្អាកដំណើរការប្រឡងយកបណ្ណបើកបរយានយន្ត នៅទីតាំងមណ្ឌលផ្តល់សេវាសាធារណៈ របស់ក្រសួងសាធារណការ និងដឹកជញ្ជូនទាំងអស់រយៈពេល ១៥ ថ្ងៃដោយគិតចាប់តាំងពីថ្ងៃទី ១ ដល់ថ្ងៃទី ១៥ ខែធ្នូឆ្នាំ ២០២០ និង២. ផ្អាកការបណ្តុះបណ្តាលបើកបរយានយន្ត នៅតាមសាលា និងសាខាសាលាបង្រៀនបើកបរយានយន្តទាំងអស់រយៈពេល ១៥ ថ្ងៃដោយគិតចាប់តាំងពីថ្ងៃទី ១ ដល់ថ្ងៃទី ១៥ ខែធ្នូឆ្នាំ ២០២០៕
