ភ្នំពេញ​៖​ លោកស្រី​ មឹន មាណវី រដ្ឋលេខាធិការ និងជាអគ្គលេខាធិការ គណៈកម្មាធិការជាតិសុវត្ថិភាព ចរាចរណ៍ផ្លូវគោក នៅព្រឹក​ថ្ងៃ​ទី២២​ ខែធ្នូ​ ឆ្នាំ២០១៩​ បានអញ្ជើញ​ចូលរួម​ តាំងបង្ហាញប្រព័ន្ធបច្ចេកវិទ្យា របស់ក្រសួងសាធារណការ និងដឹកជញ្ជូន ក្នុងបរិវេណមជ្ឈមណ្ឌល សហប្រតិបត្តិការកម្ពុជា-ជប៉ុន (CJCC)។ ក្រសួងសាធារណការ បានដាក់តាំងបង្ហាញប្រព័ន្ធ បច្ចេកវិទ្យាក្នុងវិស័យសាធារណការ​ រួមមាន​ ៖​ ប្រព័ន្ធស្វ័យប្រវត្តិកម្មចុះបញ្ជីយានជំនិះ​ ,ត្រួតពិនិត្យលក្ខណៈបច្ចេកទេសយានជំនិះ ,ប្រឡងយកបណ្ណបើកបរ​ ,កម្មវិធីយល់ដឹងអំពីទ្រឹស្តីនៃការបើកបរ (Cambodia Driving Rules) ,កម្មវិធីព័ត៌មានសាធារណការ និងដឹកជញ្ជូន (MPWT News) និងកម្មវិធីថែទាំផ្លូវ (ROAD CARE mobile app) ។ គោលបំណងនៃការ ផ្សព្វផ្សាយអំពីសមិទ្ធផល និងសេវាសាធារណៈរបស់ក្រសួង នៅក្នុងកម្មវិធីមហោស្រពគីហ្សូណា ជប៉ុន-កម្ពុជា ឆ្នាំ២០១៩ នៅមជ្ឈមណ្ឌលសហប្រតិបត្តិការ កម្ពុជា-ជប៉ុន (CJCC) មានរយៈពេល ៣ថ្ងៃ ចាប់ពីថ្ងៃទី២២-២៤ ខែកុម្ភៈ ឆ្នាំ២០១៩ ។ សូមរំលឹកថា​ នៅក្នុងពិធីនេះដែរ​ ក៏ចែកមួកសុវត្ថិភាពដល់សិស្ស-និស្សិត ដែលបានចូលរួមក្នុងកម្មវិធី ដាក់តាំងបង្ហាញនេះ ៕