បច្ចុប្បន្នកាន់តែទំនើបលើការងារធ្វើស្លាកលេខយានជំនិះពិសេសផ្ទាល់ខ្លួនកាន់តែមានភាពលឿនរហ័ស និង ងាយស្រួលជាងមុន ។ប្រសិនបើលោកអ្នក ទើបតែទិញយានជំនិះថ្មី ហើយចង់ចរាចរ យានជំនិះរបស់លោកអ្នក នៅតាមដងផ្លូវ ដោយស្របច្បាប់ លោកអ្នកអាចធ្វើការចុះបញ្ជីធ្វើស្លាកលេខយានជំនិះរបស់លោកអ្នកបាន តាមរយៈ គេហទំព័រវេបសាយរបស់ក្រសួងសាធារណការ និង ដឹកជញ្ជូនផ្ទាល់តែម្ដង ដោយធ្វើទៅតាមនីតិវិធីច្បាប់ ដែលបានកំណត់ ។ លក្ខខណ្ឌចំពោះ ការចុះបញ្ជីរថយន្តរបស់លោកអ្នក ដោយខ្លួនឯងបាន លោកអ្នកតម្រូវឱ្យបង្កើត គណនីមួយ រួចបំពេញព័ត៌មាន ផ្ទាល់ខ្លួនរបស់លោកអ្នក និង ព័ត៌មានរថយន្ត ព្រមទាំង បញ្ចូលរូបភាព បង្កាន់ដៃ ពន្ធនាំចូល លិខិតទិញលក់រថយន្ត វិញ្ញាបនប័ត្រ ត្រួតពិនិត្យ លក្ខណៈបច្ចេកទេស រួមជាមួយ អត្តសញ្ញាណប័ណ្ណ សញ្ជាតិខ្មែរ ឬសៀវភៅស្នាក់នៅ ឬសៀវភៅ គ្រួសារ របស់ម្ចាស់រថយន្ត ។តាមរយៈគេហទំព័រ របស់ក្រសួង សាធារណការ និង ដឹកជញ្ចូន បានបង្ហោះពីរបៀបចុះបញ្ជី ធ្វើស្លាកលេខ ពិសេសផ្ទាល់ខ្លួន ដែលអាចប្រើប្រាស់ជាតួអក្សរ អង់គ្លេសជំនួសលេខបាន តែមិនអាចលើសពីចំនួន ៨ តួអក្សរនោះឡើយ ដើម្បីតម្រូវការ និង បង្កើនប្រាក់ចំណូលចូលរដ្ឋ ។