រាជរដ្ឋាភិបាលកម្ពុជា គ្រោងចំណាយថវិការប្រមាណ ៥ លានដុល្លារ ដំឡើងអំពូលបំភ្លឺផ្លូវថាមពលពន្លឺព្រះអាទិត្យ ដាក់ពង្រាយនៅខេត្តចំនួន ១៣ ក្នុងរយៈពេលមិនលើសពី ២ ឆ្នាំ ដើម្បីបន្ថយហានិភ័យគ្រោះថ្នាក់ចរាចរណ៍ លើកសោភណភាព និងពង្រឹងសន្តិសុខសាធារណៈ។ ក្រសួងសាធារណការ និងដឹកជញ្ជូន ក្រសួងរ៉ែ និងថាមពល អគ្គិសនីកម្ពុជា និងរដ្ឋបាលរាជធានី-ខេត្ត បាននៅព្រឹកថ្ងៃទី ១៤ កក្កដា ២០២៦ បានចុះអនុស្សរណៈយោគយល់គ្នា ស្តីពីកិច្ចសហប្រតិបត្តិការក្នុងការដំឡើងអំពូលភ្លើងបំភ្លឺប្រើថាមពលពន្លឺព្រះអាទិត្យតាមបណ្តាញផ្លូវសាធារណៈ។ ពិធីចុះអនុស្សរណៈនេះ មានគោលបំណង ដើម្បីធ្វើកិច្ចសហប្រតិបត្តិការក្នុងការដំឡើងភ្លើងបំភ្លឺដោយប្រើថាមពលពន្លឺព្រះអាទិត្យតាមបណ្តាញផ្លូវសាធារណៈ និងផ្លូវថ្នល់នានា ដើម្បីជួយលើកកម្ពស់សុវត្ថិភាពចរាចរណ៍ និងសន្តិសុខតាមបណ្តាញផ្លូវសាធារណៈ ជាពិសេសរួមចំណែកកាត់បន្ថយគ្រោះថា្នក់ពេលយប់ តាមបណ្តាញផ្លូវថ្នល់។ លោក កែវ រតនៈ រដ្ឋមន្ត្រីក្រសួងរ៉ែ និងថាមពល មានប្រសាសន៍ថា នេះជាការរុញផ្លែផ្កានៃការអភិវឌ្ឍផ្នែកអគ្គិសនីបន្ថែមទៅប្រជាពលរដ្ឋក្រោមការសហការរបស់ក្រសួងរ៉ែ និងថាមពល ក្រសួងសាធារណការ និងដឹកជញ្ជូន និងរដ្ឋបាលរាជធានីភ្នំពេញ និងខេត្ត៕