[Koh Santepheap Daily] - សមត្ថកិច្ចខេត្តសៀមរាប ចុះរឹតបន្តឹងច្បាប់ចរាចរណ៍ និងពិនិត្យសារធាតុញៀ.ននៅលើផ្លូវជាតិលេខ៦
ខេត្តសៀមរាប ៖ នៅថ្ងៃទី១០ ខែកក្កដា ឆ្នាំ២០២៦ ស្របតាមការណែនាំរបស់ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការនគរបាលខេត្ដសៀមរាប បានចាត់កម្លាំងចម្រុះចុះយុទ្ធនាការរឹតបន្តឹងច្បាប់ចរាចរណ៍នៅលើផ្លូវជាតិលេខ៦ ត្រង់ចំណុចភូមិរលួសលិច ឃុំរលួស ស្រុកប្រាសាទបាគង ។កម្លាំងចម្រុះដែលបានចូលរួមក្នុងប្រតិបត្តិការនេះ រួមមានការិយាល័យនគរបាលចរាចរណ៍ផ្លូវគោក និងការិយាល័យប្រឆាំងគ្រឿងញៀន, មន្ទីរសាធារណការ និងដឹកជញ្ជូនខេត្តអធិការដ្ឋាននគរបាលស្រុកប្រាសាទបាគង និងកងរាជអាវុធហត្ថស្រុកផងដែរ ។ការចុះត្រួតពិនិត្យលើយានយន្តកែច្នៃខុសលក្ខណៈបច្ចេកទេស និងធ្វើតេស្តស្វែងរកសារធាតុញៀនលើអ្នកបើកបរ ។ ក្នុងកិច្ចការនេះ ក៏បានពន្យល់ណែនាំពីច្បាប់ចរាចរណ៍ ព្រមទាំងចែកសៀវភៅច្បាប់ និងឯកសារពាក់ព័ន្ធជូនដល់ប្រជាពលរដ្ឋធ្វើដំណើរតាមដងផ្លូវទៀតផង ។
