សិក្ខាសាលាពិគ្រោះយោបល់លើសេចក្តីព្រាងផែនការយុទ្ធសាស្ត្របញ្ជ្រាបយេនឌ័រវិស័យសាធារណការ និងដឹកជញ្ជូន ឆ្នាំ២០២៦-២០៣០ ភ្នំពេញ៖នាថ្ងៃអង្គារ ទី៣០ ខែមិថុនា ឆ្នាំ២០២៦ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មការទទួលបន្ទុកយេនឌ័រ និងយន្តការគាំទ្រក្រសួងសាធារណការ និងដឹកជញ្ជូន បានអញ្ជើញជាអធិបតីសិក្ខាសាលាពិគ្រោះយោបល់លើសេចក្តីព្រាងផែនការយុទ្ធសាស្ត្របញ្ជ្រាបយេនឌ័រក្នុងវិស័យសាធារណការ និងដឹកជញ្ជូន ឆ្នាំ២០២៦-២០៣០ ដោយមានការអញ្ជើញចូលរួមពីថ្នាក់ដឹកនាំក្រសួង តំណាងនារីមកពីអង្គភាពចំណុះក្រោមឱវាទក្រសួង តំណាងក្រុមប្រឹក្សាជាតិដើម្បីស្ត្រី និងតំណាងធនាគាពិភពលោក (World Bank)។ កិច្ចប្រជុំនេះ រៀបចំឡើងក្នុងគោលបំណងពិគ្រោះយោបល់ និងប្រមូលធាតុចូលសម្រាប់កែសម្រួលសេចក្តីព្រាងផែនការយុទ្ធសាស្ត្របញ្ជ្រាបយេនឌ័រ២០២៦-២០៣០៕