អបអរសាទរ សេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ត្រូវបានអង្គព្រឹទ្ធសភាអនុម័ត ក្នុងសម័យប្រជុំលើកទី៥ នីតិកាលទី៥ នៃព្រឹទ្ធសភា វិមានព្រឹទ្ធសភា៖ នាព្រឹកថ្ងៃសុក្រ ទី២៦ ខែមិថុនា ឆ្នាំ២០២៦ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ក្នុងនាមរាជរដ្ឋាភិបាល បានដឹកនាំគណៈប្រតិភូ ដើម្បីការពារ និងបកស្រាយសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ នាសម័យប្រជុំលើកទី៥ នីតិកាលទី៥ នៃព្រឹទ្ធសភា ក្រោមអធិបតីភាពដ៏ខ្ពង់ខ្ពស់ឯកឧត្ដម អ៊ុច បូររិទ្ធ ប្រធានស្ដីទីព្រឹទ្ធសភា។ ជាលទ្ធផល អង្គព្រឹទ្ធសភាបានសម្រេចអនុម័ត លើសេចក្តីព្រាងច្បាប់នេះទាំងស្រុង៕