សកម្មភាពក្រុមការងារ ស.ស.យ.ក.វិស័យសាធារណការ និងដឹកជញ្ជូន ចូលរួមរៀបចំ កម្មវិធីយុទ្ធនាការអប់រំផ្សព្វផ្សាយច្បាប់ស្តីពីចរាចរណ៏ផ្លូវគោក ដើម្បីលើកកម្ពស់សុវត្ថិភាពបើកបរ និងការពារអាយុជីវិតប្រជាពលរដ្ឋតាមដងផ្លូវសាធារណៈ នៅភូមិថ្មគោលជើង ឃុំតាម៉ឺន ស្រុកថ្មគោល ខេត្តបាត់ដំបង បាត់ដំបង៖ នាព្រឹកថ្ងៃពុធ ទី២៤ ខែមិថុនា ឆ្នាំ២០២៦ សកម្មភាពក្រុមការងារ ស.ស.យ.ក.វិស័យសាធារណការ និងដឹកជញ្ជូន ចូលរួម កម្មវិធីយុទ្ធនាការអប់រំផ្សព្វផ្សាយច្បាប់ស្តីពីចរាចរណ៏ផ្លូវគោក ដើម្បីលើកកម្ពស់សុវត្ថិភាពបើកបរ និងការពារអាយុជីវិតប្រជាពលរដ្ឋតាមដងផ្លូវសាធារណៈ ក្រោមអធិបតីភាព លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋាន គ.ស.ច.គ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ក្រោមកិច្ចរៀបចំឡើងដោយនាយកដ្ឋានសុវត្ថិភាពចរចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក សហការជាមួយ ក្រុមហ៊ុន អិន ស៊ី អិច និងមន្ទីរសាធារណការនិងដឹកជញ្ជូនខេត្តបាត់ដំបង ដោយពិធីនេះប្រារព្ធធ្វើនៅបរិវេណផ្សារថ្មគោលចាស់ ស្ថិតក្នុងភូមិថ្មគោលជើង ឃុំតាម៉ឺន ស្រុកថ្មគោល ខេត្តបាត់ដំបង។ កម្មវិធីនេះមានការចូលរួម ថ្នាក់ដឹកនាំ មន្ត្រីរាជការនាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក ថ្នាក់ដឹកនាំ មន្ត្រីរាជការមន្ទីរសាធារណការ និងដឹកជញ្ជូនខេត្តបាត់ដំបង តំណាងក្រុមហ៊ុនអិន ស៊ី អិច អាជ្ញាធរសមត្ថកិច្ចពាក់ព័ន្ធក្នុងខេត្ត ស.ស.យ.ក.វិស័យសាធារណការ និងដឹកជញ្ជូន ក្រុមការងារ ស.ស.យ.ក.ខេត្ត និងបងប្អូនប្រជាពលរដ្ឋផងដែរ៕