ស.ស.យ.ក. វិស័យសាធារណការ និងដឹកជញ្ជូន ចូលរួមជាមួយ សហភាពសហព័ន្ធយុវជនកម្ពុជា (ស.ស.យ.ក.) ថ្នាក់កណ្តាល ក្នុងពិធីរំលឹកខួបលើកទី៤៩ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ក្រោមអធិបតីភាព សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ ខេត្តត្បូងឃ្មុំ៖ នាថ្ងៃទី២០-២១ ខែមិថុនា ឆ្នាំ២០២៦ ក្រុមការងារ ស.ស.យ.ក. វិស័យសាធារណការ និងដឹកជញ្ជូន បានចូលរួមជាមួយ សហភាពសហព័ន្ធយុវជនកម្ពុជា (ស.ស.យ.ក.) ថ្នាក់កណ្តាល ក្នុងពិធីរំលឹកខួបលើកទី៤៩ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២៦) និងខួបលើកទី៤៨ នៃការបង្កើតកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា (១២ ឧសភា ១៩៧៨ - ១២ ឧសភា ២០២៦) ដែលប្រារព្ធឡើងនៅតំបន់ប្រវត្តិសាស្ត្រកោះថ្ម ស្រុកមេមត់ ខេត្តត្បូងឃ្មុំ ក្រោមអធិបតីភាពដ៏ខ្ពង់ខ្ពស់របស់ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ ព្រមទាំងមានការអញ្ជើញចូលរួមពីថ្នាក់ដឹកនាំជាតិ អាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធ យុវជន និងប្រជាពលរដ្ឋយ៉ាងច្រើនកុះករ។ ក្នុងឱកាសនោះ សម្តេចពិជ័យសេនា ទៀ បាញ់ បានគូសបញ្ជាក់ពីអត្ថន័យជាប្រវត្តិសាស្ត្រនៃដំណើរឆ្ពោះទៅស្វែងរកការគាំទ្រដើម្បីរំដោះជាតិ និងប្រជាជនកម្ពុជា ពីរបបប្រល័យពូជសាសន៍ ប៉ុល ពត ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន និងយុទ្ធមិត្តស្មោះស្ម័គ្ររបស់សម្តេច កាលពីថ្ងៃទី២០ ខែមិថុនា ឆ្នាំ១៩៧៧។ ការចូលរួមក្នុងពិធីដ៏មានអត្ថន័យនេះ បានបង្ហាញពីស្មារតីចងចាំប្រវត្តិសាស្ត្រ គោរពវីរភាពរបស់ថ្នាក់ដឹកនាំ និងវីរជនដែលបានលះបង់ដើម្បីជាតិ ព្រមទាំងបន្តរួមចំណែកថែរក្សាសន្តិភាព ស្ថិរភាព និងការអភិវឌ្ឍប្រទេសជាតិឱ្យកាន់តែរីកចម្រើន៕