កិច្ចប្រជុំស្តីពីវឌ្ឍនភាពការងារប្រចាំខែមេសា និងទិសដៅការងារសម្រាប់ខែឧសភា ឆ្នាំ២០២៦ របស់អគ្គនាយកដ្ឋានបច្ចេកទេស ទីស្តីការក្រសួង៖ នាថ្ងៃចន្ទ ទី៤ ខែឧសភា ឆ្នាំ២០២៦ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំស្តីពីវឌ្ឍនភាពការងារប្រចាំខែមេសា និងទិសដៅការងារសម្រាប់ខែឧសភា ឆ្នាំ២០២៦ របស់អគ្គនាយកដ្ឋានបច្ចេកទេស ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមទីប្រឹក្សាក្រសួង ឯកឧត្តមអគ្គនាយកបច្ចេកទេស លោកអគ្គនាយករងបច្ចេកទេស ព្រមទាំងមន្ត្រីជំនាញពាក់ព័ន្ធមកពីនាយកដ្ឋានក្រោមឱវាទអគ្គនាយកដ្ឋានជាច្រើនរូប។ កិច្ចប្រជុំនេះត្រូវបានរៀបចំឡើង ដើម្បីពិនិត្យនូវផែនការសកម្មភាពការងារដែលអគ្គនាយកដ្ឋានត្រូវបន្តអនុវត្ត ជាមួយនឹងការពិនិត្យលើលទ្ធផលការងារដែលសម្រេចបាននៅក្នុងខែមេសា ឆ្នាំ២០២៦ និងពិនិត្យលើបញ្ហាប្រឈមនានាលើការអនុវត្តការងារកន្លងមក ដើម្បីពិភាក្សារកដំណោះស្រាយសំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របទៅតាមផែនការសកម្មភាព របស់អគ្គនាយកដ្ឋានប្រចាំឆ្នាំ២០២៦៕