ជំនួបពិភាក្សាការងារជាមួយក្រុមហ៊ុន Voestalpine Railway System Asia លើការជំរុញកិច្ចសហប្រតិបត្តិការអភិវឌ្ឍន៍ហេដ្ឋារចនាសម័្ពន្ធផ្លូវដែកនៅកម្ពុជា ទីស្ដីការក្រសួង៖ នាថ្ងៃព្រហស្បតិ៍ ទី២៣ ខែមេសា ឆ្នាំ២០២៦ ឯកឧត្ដម សំរ៉ងឌី ណាម៉ូ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញទទួលជួបពិភាក្សាការងារជាមួយក្រុមហ៊ុន Voestalpine Railway System Asia ដោយមានការអញ្ជើញចូលរួមពី ឯកឧត្ដម-លោកជំទាវថ្នាក់ដឹកនាំ និងមន្ត្រីបច្ចេកទេសពាក់ព័ន្ធផងដែរ។ ជំនួបពិភាក្សានេះផ្ដោតសំខាន់លើការជំរុញកិច្ចសហប្រតិបត្តិការពាក់ព័ន្ធនឹងការអភិវឌ្ឍន៍ហេដ្ឋារចនាសម្ព័ន្ធផ្លូវដែកនៅកម្ពុជា។ កិច្ចប្រជុំបានពិនិត្យនិងពិភាក្សាអំពីលទ្ធភាពក្នុងការរៀបចំវគ្គបណ្ដុះបណ្ដាល ដោយក្រុមហ៊ុន Voestalpine Railway System Asia ដែលជាក្រុមហ៊ុនផលិត ផ្ដត់ផ្គង់ និងថែទាំផ្លូវដែករបស់ប្រទេសអូទ្រីស ដល់មន្ត្រីជំនាញនៃក្រសួងសាធារណការនិងដឹកជញ្ជូន។ សូមបញ្ជាក់ផងដែរថា នេះជាកិច្ចពិភាក្សាការងារលើកទី២ បន្ទាប់ជំនួបពិភាក្សាការងារជាមួយប្រតិភូស្ថានទូតសាធារណរដ្ឋអូទ្រីស(ផ្នែកពាណិជ្ជកម្ម) និងក្រុមហ៊ុនឯកជនអូទ្រីស កាលពីខែមីនា ឆ្នាំ២០២៦ កន្លងទៅ៕