កិច្ចប្រជុំពិនិត្យ និងពិភាក្សាលើបច្ចុប្បន្នភាពហេដ្ឋារចនាសម្ព័ន្ធផ្លូវថ្នល់-ស្ពាន ស្ថិតក្រោមអាណាប័កក្រសួងសាធារណការ និងដឹកជញ្ជូន ដែលទទួលរងគ្រោះដោយសារជំនន់ទឹកភ្លៀង និងជំនន់ទឹកទន្លេមេគង្គ ឆ្នាំ២០២៥ ទីស្ដីការក្រសួង៖ នារសៀលថ្ងៃសុក្រ ទី៣១ ខែតុលា ឆ្នាំ២០២៥ ឯកឧត្ដម ហេង រត្នពិសិដ្ឋ អគ្គនាយក នៃអគ្គនាយកដ្ឋានសាធារណការ បានអញ្ជើញដឹកនាំកិច្ចប្រជុំពិនិត្យ និងពិភាក្សាលើបច្ចុប្បន្នភាពហេដ្ឋារចនាសម្ព័ន្ធផ្លូវថ្នល់-ស្ពាន ស្ថិតក្រោមអាណាប័កក្រសួងសាធារណការ និងដឹកជញ្ជូន ដែលទទួលរងគ្រោះដោយសារជំនន់ទឹកភ្លៀង និងជំនន់ទឹកទន្លេមេគង្គ ឆ្នាំ២០២៥ ដោយមានការអញ្ជើញចូលរួមពីតំណាងអគ្គនាយក នៃអគ្គនាយកដ្ឋានបច្ចេកទេស អគ្គនាយករង លោកប្រធាននាយកដ្ឋាន លោកប្រធានមន្ទីរ តំណាងប្រធានមន្ទីរសាធារណការ និងដឹកជញ្ជូន រាជធានី ខេត្ត និងមន្ត្រីជំនាញពាក់ព័ន្ធ។ កិច្ចប្រជុំនេះរៀបចំឡើងដើម្បីពិភាក្សាអំពីផលប៉ះពាល់ នៃទំហំខូចខាតលើហេដ្ឋារចនាសម្ព័ន្ធផ្លូវថ្នល់ ក្រោមដែនសមត្ថកិច្ចរបស់ក្រសួងសាធារណការ និងដឹកជញ្ជូន ដោយសារជំនន់ទឹកភ្លៀង និងជំនន់ទឹកទន្លេមេគង្គ ជោគជាំនារដូវវស្សា។បន្ថែមពីនេះអង្គប្រជុំបានលើកឡើងអំពីវិធានការដោះស្រាយ ការទប់ស្កាត់ និងប្រភពថវិកា សម្រាប់ជួសជុល ថែទាំ ស្តារ និងតភ្ជាប់ចរាចរណ៍តាមបណ្តោយហេដ្ឋារចនាសម្ព័ន្ធផ្លូវថ្នល់-ស្ពាន ដែលខូចខាត ឱ្យកាន់តែប្រសើរឡើងវិញ និងប្រកបដោយប្រសិទ្ធភាព៕