ភ្នំពេញ៖ លោកឃួង ស្រេង អភិបាលរាជធានីភ្នំពេញ បានបញ្ជាក់ថា រដ្ឋបាលរាជធានីភ្នំពេញនឹង ជំរុញអោយមានការរៀបចំដាក់លិខិតស្នើរសុំទៅខាងក្រុមហ៊ុនលីយ៉ុងផាត់ កុំអោយយកលុយសម្រាប់រថយន្តប្រភេទទេសចរណ៍ឆ្លងកាត់ស្ពានព្រែកព្នៅ កំឡុងពេលជួសជុលស្ពានជ្រោយចង្វារចាស់។ ការបញ្ជាក់របស់លោកឃួង ស្រេងបែបនេះត្រូវបានធ្វើឡើង នាព្រឹកថ្ងៃទី០៨ កញ្ញា ក្នុងកិច្ចប្រជុំតំណាងក្រុមហ៊ុនOCICនិងអាជ្ញាធរពាក់ព័ន្ធ លើគំរោងសាងសង់ស្ពានបាឡេមួយកន្លែងចំណុចឃ្លាំងសាំងក្រុមហ៊ុនសូគីមិច គីឡូមែត្រលេខ៦ ក្នុងខណ្ឌឬស្សីកែវឆ្លងទៅកាន់ តំបន់អភិវឌ្ឍន៍ជ្រោយចង្វារស្ថិតក្នុងសង្កាត់ព្រែកតាសេក ខណ្ឌជ្រោយចង្វារ ខណៈដែលស្ពានជ្រោ យចង្វារចាស់ចាប់ផ្តើមជួសជុលឡើងវិញ។ លោក ឃួង ស្រេង បន្តថា ស្ពានជ្រោយចង្វារចាស់ចាប់ដំណើរការជួសជុលពីថ្ងៃទី១៥ កញ្ញា ប៉ុន្តែមិនទាន់បិទទាំងស្រុងទេ ទុកឲ្យប្រជាពលរដ្ឋធ្វើដំណើរក្នុងរដូវបុណ្យភ្ជំបិណ្យនេះសិនប៉ុន្តែក្រោយពីចប់ ការជួសជុលនិងចាប់ផ្តើម ហើយផ្អាកចរាចទាំងស្រុង មិនអនុញាតិឲ្យមានរថយន្តឆ្លងកាត់ទេ ។ដូច្នេះហើយ រថយន្ត មួយចំនួនត្រូវបង្វែរទៅឆ្លងស្ពានព្រែកព្នៅ ហៅថាស្ពាន លីយ៉ងផាត់ វិញ ។លោក បញ្ជាក់ថា ដើម្បីជួយសំរួលលើការចំណាយរបស់បងប្អូនប្រជាពលរដ្ឋ រដ្ឋបាលរាជធានីភ្នំពេញនឹង ជំរុញអោយមានការរៀបចំដាក់លិខិតស្នើរសុំទៅខាងក្រុមហ៊ុនលីយ៉ុងផាត់ កុំអោយយកលុយសម្រាប់រថយន្តប្រភេទទេសចរណ៍ឆ្លងកាត់ស្ពានព្រែកព្នៅ កំឡុងពេលជួសជុលស្ពានជ្រោយចង្វារចាស់។ មន្រ្តីក្រសួងសាធារណការបានអៈអាងថា ស្ពានជ្រោយចង្វារមិត្តភាពកម្ពុជា ជប៉ុន នឹងបើកដំណើរការជួសជុលជាផ្លូវការនៅថ្ងៃទី១៥ ខែកញ្ញាខាងមុខនេះ ប៉ុន្តែមិនទាន់បិទចរាចរណ៍ទាំងស្រុងនៅឡើយទេ ដើម្បីទុកពេលវេលាឲ្យប្រជាពលរដ្ឋអាចធ្វើដំណើរក្នុងរដូវ បុណ្យភ្ជំបិណ្យនេះបានមួយរយៈពេលទៀត ។ម្យ៉ាងទៀតបើទោះបីជាស្ពានជ្រោយចង្វារចាស់នេះត្រូវបានបិទទាំងស្រុងរយៈពេល២ឆ្នាំក្តី ប៉ុន្តែការធ្វើចរាចរណ៏របស់ប្រជាពលរដ្ឋមិនមានការកកស្ទះនោះទេ ដោយសារមានការរៀបចំជាសាឡាងចំនួន២គ្រឿងចម្លងអ្នកដំណើរទៅមកមិនយកកម្រៃសេវារួមទំាងការបង្វែលទិសដៅធ្វើដំណើរទៅតាមស្ពានព្រែកព្នៅជំនួសវិញ។ លោក មេត មាសភក្តី អ្នកនាំពាក្យសាលារាជធានីភ្នំពេញបានអៈអាងថា អាជ្ញាធរបានត្រៀម ផែនការរួចជាស្រេចហើយក្នុងការជួយសម្រួលចរាចរណ៍នៅពេលស្ពានជ្រោយចង្វារចាស់បិទទាំងស្រុងលែងឲ្យដំណើរការ ប៉ុន្តែទោះជាយ៉ាងណាក៏ស្នើឲ្យប្រជាពលរដ្ឋមេត្តាគោរពច្បាប់ចរាចរណ៍ និងស្តាប់តាមការ បញ្ជាររបស់នគរបាលចរាចរណ៍ ដើម្បីធានាកុំឲ្យមានការកក់ស្ទះចរាចរណ៍នៅលើស្ពានជ្រោយចង្វារថ្មី ។ លោកបន្តថា ក្នុងពេលនេះ រដ្ឋបាលរាជធានីភ្នំពេញ បានចេញសេចក្តីជូនដំណឹងស្តីពីការបិទការធ្វើចរាចរណ៏ស្ពានជ្រោយចង្វារចាស់ចាប់ពីថ្ងៃទី១៥ខែកញ្ញានេះតទៅ ដើម្បីធ្វើការជួសជុលស្ពានមានរយៈពេល២ឆ្នាំ ហេតុនេះ អាជ្ញាធររាជធានីភ្នំពេញស្នើសុំការយោគយល់ពីសំណាក់បងប្អូនប្រជាពលរដ្ឋផងដែរ ។ ក្នុងអំឡុងពេលបិទស្ពានចាស់ដែលជាច្រកចេញពីភ្នំពេញដ៏សំខាន់ដើម្បីជួសជុលនេះក្រសួងសាធារណការម្រេចដាក់សាឡាងចំនួន២គ្រឿងចម្លងអ្នកដំណើរទៅមកមិនយកកម្រៃសេវារួមទំាងការបង្វែលទិសដៅធ្វើដំណើរទៅតាមស្ពានព្រែកព្នៅជំនួសវិញ។គម្រោងជួសជុលកែលម្អស្ពានជ្រោយចង្វារចាស់ឡើងវិញនេះគ្រោងប្រើរយៈពេលស្ថាបនារហូតដល់ជិត២ឆ្នាំនិងគ្រោងចំណាយថវិការហូតដល់ជាង៣៣លានដុល្លាដែលជាជំនួយឥតសំណងរបស់រដ្ឋាភិបាលជប៉ុន។ គួររំលឹកថា តាមគម្រោងស្ពានជ្រោយចង្វារចាស់ត្រូវជួសជុលកែលម្អតំាងពីដើមខែមករា២០១៧មកម្លេះ ប៉ុន្តែត្រូវបានពន្យាពេល ព្រោះមានការផ្លាស់ប្តូរនីតិវិធិដេញថ្លៃមិនទាន់ទទួលលទ្ធផលត្រឹមត្រូវនៅប្រទេសជប៉ុន ក្រោយមកកំណត់យកខែមីនា២០១៧ ប៉ុន្តែជិតពេលបុណញយចូលឆ្នាំពេក ខ្លាចបង្កឲ្យកកស្ទះចរាចរ នៅពេលប្រជាពលរដ្ឋធ្វើដំណើរទៅលេងស្រុកកំណើត ម៉្យាងទៀតនៅក្នុងខែឧសភានេះកម្ពុជាធ្វើជាម្ចាស់ផ្ទះរៀបចំវេទិកាសេដ្ឋកិច្ចពិភពលោកស្តីពីអាស៊ានរយៈពេល៣ថ្ងៃ នៅសណ្ឋាគារសុខាត្រើយខាងកើត ទើបរដ្ឋាភិបាល សម្រេចលើកទៅអនុវត្តន៏នៅក្នុងខែកញ្ញានេះតែម្តង ។ សូមបញ្ជាក់ថា គម្រោងជួសជុលកែលម្អស្ពានជ្រោយចង្វានេះ ប្រើរយៈពេលជាង២២ខែឬ២ឆ្នាំ ដែលចំណាយថវិការប្រមាណជាង៣៣លានដុល្លា ដែលជាជំនួយឥតសំណងរបស់រដ្ឋាភិបាលជប៉ុន ស្ពាននេះ មានបណ្តោយ៧០៩ម៉ែត្រ បានកសាងឡើងនៅសម័យសង្គមរាស្ត្រនិយមក្នុងឆ្នាំ១៩៦៦ ក្រោយមកត្រូវបានកាត់ផ្តាច់នៅឆ្នាំ១៩៧២ ដោយសារការដាក់បង្កៃគ្រាប់មីននៅក្នុងរថយន្ត បន្ទាប់មកទៀតបានជួសជុល ឡើងវិញនិងសម្ពោធដាក់ឲ្យប្រើសបា្រស់នៅថ្ងៃទី២៦ខែកុម្ភៈឆ្នាំ១៩៩៤ក្រោមជំនួយឥតសំណងរបស់រាជរដ្ឋាភិបាលជប៉ុនរហួតមកដល់ពេលនេះ ៕