ជំនួបពិភាក្សាការងារស្ដីពីការស្នើសុំទិន្នន័យ និងព័ត៌មានមួយចំនួនដើម្បីធ្វើការវិភាគលើវិស័យទឹកកខ្វក់ និងអនាម័យសម្រាប់រយៈពេល ១០ឆ្នាំខាងមុខ (២០២៥-២០៣៥) នៅរាជធានីភ្នំពេញ ទីស្ដីការក្រសួង៖ នាថ្ងៃពុធ ទី២៩ ខែមេសា ឆ្នាំ២០២៦ ឯកឧត្តម ចៅ សុភ:ភិបាល អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ បានទទួលជួបពិភាក្សាការងារ ជាមួយក្រុមការងារ K-OPT របស់វិទ្យាស្ថាន AgroParisTech ដែលដឹកនាំដោយលោក Jean Antoine FABY(Director of the AgroParisTech)ដោយមានការអញ្ជើញចូលរួមពីលោកអនុប្រធាននាយកដ្ឋាន និងមន្ត្រីជំនាញនៃ អគ្គនាយកដ្ឋានប្រព័ន្ធចម្រោះទឹកកខ្វក់។ គោលបំណងនៃកិច្ចប្រជុំនេះគឺ ដើម្បីទទួលស្វាគមន៍ក្រុមសិក្ខាកាមអន្តរជាតិដើម្បីជួបពិភាក្សាស្នើសុំទិន្នន័យ និងព័ត៌មានមួយចំនួនដើម្បីធ្វើការវិភាគលើវិស័យទឹកកខ្វក់ និងអនាម័យសម្រាប់រយៈពេល១០ ឆ្នាំ ខាងមុខ (២០២៥-២០៣៥) នៅរាជធានីភ្នំពេញ នៃកម្មវិធីអនុបណ្ឌិតប្រតិបត្តិលើកទី10 "ទឹកសម្រាប់ទាំងអស់គ្នា" ដែលសិក្ខាកាមទាំងអស់បានអញ្ជើញមកពីតំណាងប្រទេសចំនួន ២៤ ក្នុងតំបន់ និងពិភពលោក (Africa, Asia and Eurasia) ក្នុងនោះក៏មានសិក្ខាកាមដែលជាមន្ត្រីមកពីអគ្គនាយកដ្ឋានប្រព័ន្ធចម្រោះទឹកកខ្វក់ផងដែរ៕