កិច្ចប្រជុំពិនិត្យ និងពិភាក្សាលើការពិនិត្យឡើងវិញ និងការវិភាគមុខងារ និងរចនាសម្ព័ន្ធរបស់នាយកដ្ឋានផ្លូវដែក នៃក្រសួងសាធារណការ និងដឹកជញ្ជូន ទីស្តីការក្រសួង៖ នាថ្ងៃពុធ ទី៦ ខែសីហា ឆ្នាំ២០២៥ លោកជំទាវ ហួត លីដា អនុរដ្ឋលេខាធិការ បានដឹកនាំក្រុមការងារលេខាធិការដ្ឋានពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងសាធារណការ និងដឹកជញ្ជូន ជួបប្រជុំជាមួយក្រុមការងារនៃនាយកដ្ឋានផ្លូវដែក ដើម្បីពិនិត្យ និងពិភាក្សាលើតួនាទីភារកិច្ច និងការទទួលខុសត្រូវ ជាពិសេសការវិភាគលើមុខងារ និងរចនាសម្ព័ន្ធរបស់នាយកដ្ឋានផ្លូវដែក និងការិយាល័យចំណុះ ឱ្យបានលម្អិត ច្បាស់លាស់ និងគ្រប់ជ្រុងជ្រោយ ស្របតាមបរិបទការងារដែលកំពុងអនុវត្តនាពេលបច្ចុប្បន្ន ដោយឈរលើអភិក្រម និងវិធានការគន្លឹះនានា ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាល នីតិកាលទី៧ នៃរដ្ឋសភា។