ចែកវិញ្ញាបនបត្រម្ចាស់អចលនវត្ថុ ដែលនៅសេសសល់ជូនប្រជាពលរដ្ឋសម្រាប់ការចុះបញ្ជីដីធ្លីមានលក្ខណៈជាប្រព័ន្ធ ស្ថិតនៅភូមិសាស្ត្រស្រុកកោះញែក មណ្ឌលគិរី ៖ នាថ្ងៃចន្ទ ទី២១ ខែកក្កដា ឆ្នាំ២០២៥ ឯកឧត្ដម អ៊ួង កុសល រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះញែក លោក មិន ម៉ូន អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានអញ្ជើញជាអធិបតីក្នុងពិធីចុះចែកវិញ្ញាបនបត្រម្ចាស់អចលនវត្ថុ ដែលនៅសេសសល់ជូនប្រជាពលរដ្ឋសម្រាប់ការចុះបញ្ជីដីធ្លីមានលក្ខណៈជាប្រព័ន្ធ ស្ថិតនៅភូមិសាស្ត្រស្រុកកោះញែក ខេត្តមណ្ឌលគិរី ដោយក្នុងនោះបណ្ណដែលនឹងត្រូវចែកសរុប មានចំនួន ២២៧៨ បណ្ណ។ ពិធីនេះមានការអញ្ជើញចូលរួមពីសំណាក់ លោក យ៉ែម ច័ន្ទតុងហេង អភិបាលរងស្រុកកោះញែក មេបញ្ជាការកងកម្លាំងទាំង៣ រដ្ឋបាលស្រុកកោះញែក លោកប្រធានការិយាល័យ ដនសភ ស្រុកកោះញែក ក្រមការងារមន្ទីរដនសសខេត្ត មេឃុំ មេភូមិ និងប្រជាពលរដ្ឋជាកម្មសិទ្ធិករនៅក្នុងភូមិសាស្រ្តស្រុកកោះញែក ដែលពិធីនេះប្រព្រឹត្តទៅនៅសាលាស្រុកកោះញែក៕