កិច្ចប្រជុំចាប់ផ្ដើមគម្រោង"ការលើកកម្ពស់ភាពជាអ្នកដឹកនាំរបស់ស្ត្រីក្នុងអភិបាលកិច្ចនៃវិស័យដឹកជញ្ជូនកម្ពុជា ដំណាក់កាលទី២ Phase-II (Kick-off meeting) " ទីស្ដីការក្រសួង៖ នាថ្ងៃសុក្រ ទី១៨ ខែកក្កដា ឆ្នាំ ២០២៥ លោកជំទាវ មឹន មាណវី រដ្ឋលេខាធិការ និងជាប្រធានគណៈកម្មការទទួលបន្ទុកយេនឌ័រ និងយន្តការគាំទ្រ នៃក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំចាប់ផ្ដើមគម្រោង"ការលើកកម្ពស់ភាពជាអ្នកដឹកនាំរបស់ស្ត្រីក្នុងអភិបាលកិច្ចនៃវិស័យដឹកជញ្ជូនកម្ពុជា"ដោយមានការអញ្ជើញចូលរួមពីថ្នាក់ដឹកនាំក្រសួង លោកស្រី Faith Considine លេខាទី២ ប្រចាំស្ថាតទូតអូស្ត្រាលីនៅកម្ពុជា តំណាងគម្រោងភាពជាដៃគូសម្រាប់ហេដ្ឋាេចនាសម្ព័ន្ធ Partnerships for Infrastructure (P4I) តំណាងមូលនិធិអាស៊ី និងនារីមកពីអង្គភាពចំណុះក្រោមឱវាទក្រសួង។ កិច្ចប្រជុំនេះ រៀបចំឡើងក្នុងគោលបំណង ប្រកាសបើកឱ្យចាប់ផ្ដើមអនុវត្តដំណាក់កាលទី២ នៃគម្រោងជាផ្លូវការ និងបង្ហាញពីការប្តេជ្ញាចិត្តរួមគ្នារវាងក្រសួងសាធារណការ និងដឹកជញ្ជូន និងដៃគូអភិវឌ្ឍន៍ ក្នុងការអនុវត្តគម្រោងកាន់តែច្បាស់ និងការយល់ដឹងកាន់តែស៊ីជម្រៅថែមទៀត ដើម្បីទទួលបាននូវប្រសិទ្ធភាព និងប្រសិទ្ធផលខ្ពស់ ព្រមទាំងបង្ហាញអំពីផែនការសកម្មភាពលម្អិត នៃគម្រោងជូនដល់ថ្នាក់ដឹកនាំ និងភាគីពាក់ព័ន្ធ នៃក្រសួងសាធារណការ និងដឹកជញ្ជូនផងដែរ៕