ស្ពានអាកាសសម្តេចធិបតី ហ៊ុន ម៉ាណែត ជាស្ពានអាកាសភ្លោះទ្វេទិសដំបូងនៅកម្ពុជា ដែលតភ្ជាប់មហាវិថីសម្តេច ហ៊ុន សែន ឆ្ពោះទៅកាន់អាកាសយានដ្ឋានអន្តរជាតិតេជោ ដោយរំលងផ្លូវជាតិលេខ២ បានសម្រេចការងារស្ពានអាកាសទី១ រួចរាល់ ១០០% ហើយ ចំណែកស្ពានអាកាសទី២ នឹងបញ្ចប់ក្នុងខែក្រោយ។ រដ្ឋបាលរាជធានីភ្នំពេញ បានប្រកាសនឹងបើកអោយឆ្លងកាត់ស្ពានអាកាសទី១ មានទិសដៅពីមហាវិថីសម្តេចតេជោ ហ៊ុន សែន ឆ្ពោះទៅកាន់អាកាសយានដ្ឋានអន្តរជាតិតេជោ ចាប់ពីថ្ងៃទី១១ ខែកក្កដា ២០២៥ តទៅ។ ចំណែកស្ពានអាកាសទី២ ទិសដៅពីអាកាសយានដ្ឋានអន្តរជាតិភ្នំពេញ មកកាន់មហាវិថីសម្តេចតេជោ ហ៊ុន សែន នឹងបើកអោយឆ្លងកាត់នៅថ្ងៃទី ១៥ ខែសីហា ឆ្នាំ២០២៥