ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន អញ្ជើញបន្តចូលរួមថ្ងៃទី២ ពិធីសមាជរដ្ឋសភា-ព្រឹទ្ធសភា លើកទី១ ឆ្នាំ២០២៥ វិមានរដ្ឋសភា៖ នាព្រឹកថ្ងៃអង្គារ ទី៣ ខែមិថុនា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញបន្តចូលរួម ថ្ងៃទី២ ពិធីសមាជរដ្ឋសភា និងព្រឹទ្ធសភា លើកទី១ ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានសមាជរដ្ឋសភា និងព្រឹទ្ធសភា។ ថ្ងៃទី២ អង្គសមាជរដ្ឋសភា-ព្រឹទ្ធសភា លើកទី១ ឆ្នាំ២០២៥ នឹងបន្តពិភាក្សាលើរបៀបរវារៈ ប្រធានបទទី៣ ស្ដីពីវិស័យកសិកម្ម។ គួរបញ្ជាក់ថា ថ្ងៃទី១ នៃសមាជបានប្រព្រឹត្តទៅកាលពីថ្ងៃទី២ ខែមិថុនា ឆ្នាំ២០២៥ ចាប់ពីម៉ោង៨ព្រឹក រហូតដល់ម៉ោង ១២:២២នាទី រំលងអធ្រាត្រ ដោយបានបញ្ចប់លើការពិភាក្សាលើរបៀបវារៈចំនួនពីរ គឺប្រព័ន្ធគាំពារសង្គម និងសេដ្ឋកិច្ចក្រៅប្រព័ន្ធ បន្ទាប់ពីបានចំណាយពេលជាង១៦ម៉ោង ហើយនេះជាព្រឹត្តិការណ៍សមាជថ្ងៃដំបូង ដែលត្រូវបានកត់ត្រាជាព្រឹត្តិការណ៍ប្រវត្តិសាស្ត្រជាការធ្វើឡើងដំបូង ហើយដំណើរការឆ្លងអធ្រាត្រ៕