កិច្ចប្រជុំជំនាញបច្ចេកទេសពិនិត្យ និងពិភាក្សាកម្រិតបច្ចេកទេសលើ សេចក្តីព្រាងច្បាប់ស្តីពីប្រព័ន្ធទឹកកខ្វក់ មុននឹងបន្តនីតិវិធីជំហានបន្ទាប់ រាជធានីភ្នំពេញ៖ កាលពីថ្ងៃទី២៦ ដល់ថ្ងៃទី២៨ ខែមីនា ឆ្នាំ២០២៤ ឯកឧត្តម រស់ វណ្ណា រួមជាមួយនឹង ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំគណៈប្រតិភូក្រសួង អញ្ជើញចូលរួមកិច្ចប្រជុំពិនិត្យ និងពិភាក្សាកម្រិតបច្ចេកទេសលើ សេចក្តីព្រាងច្បាប់ស្តីពីប្រព័ន្ធទឹកកខ្វក់។ កិច្ចប្រជុំរយៈពេលបីថ្ងៃនេះ បានប្រព្រឹត្តទៅនៅទីស្ដីការគណៈរដ្ឋមន្រ្តី ក្រោមកិច្ចដឹកនាំដោយ ឯកឧត្តម លីវ សុវណ្ណា អនុប្រធានក្រុមប្រឹក្សាអ្នកច្បាប់(ក.ប.ច.) និងជាប្រធានក្រុមការងារទី៤ នៃក.ប.ច. និងឯកឧត្តម អ៊ូច ថោងសេង អនុប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌(ក.ស.វ.) និងជាប្រធានក្រុមការងារទី១ នៃក.ស.វ. ដោយបានពិនិត្យសម្រេចលើទម្រង់ខ្លឹមសារ ព្រមទាំងពាក្យពេចន៍ទាំងមូលនៅក្នុង សេចក្តីព្រាងច្បាប់ស្តីពីប្រព័ន្ធទឹកកខ្វក់ បញ្ចប់ជាស្ថាពរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube