ភ្នំពេញ ៖ ក្រសួងសាធារណការ និង ដឹកជញ្ជូន បានចេញសេចក្តីប្រកាស ស្តីពីការបញ្ចប់សុពលភាពវិញ្ញាបនបត្រចុះបញ្ជីធ្វើអាជីវកម្មដឹកជញ្ជូនផ្លូវគោក ចំនួន ៣៧ក្រុមហ៊ុន ។ យោងតាមច្បាប់ស្តីពីចរាចរណ៍ផ្លូវគោក និងប្រកាសលេខ ២០៦ ប្រក.សក.ដជគ ចុះថ្ងៃទី២៩ ខែកញ្ញា ឆ្នាំ២០២១ ស្តីពីលក្ខខណ្ឌ និងនីតិវិធីឱ្យនីតិបុគ្គលធ្វើអាជីវកម្មដឹកជញ្ជូនផ្លូវគោកក្នុងប្រទេស ក្រសួងសាធារណការ និងដឹកជញ្ជូន បានពិនិត្យឃើញថាមានក្រុមហ៊ុនដឹកអ្នកដំណើរ ចំនួន ៣៧ ក្រុមហ៊ុន មិនបានមកស្នើសុំបន្តសុពលភាពលិខិតអនុញ្ញាតឱ្យនីតិបុគ្គលធ្វើអាជីវកម្មដឹកជញ្ជូនផ្លូវគោកក្នុងប្រទេស លើសរយៈពេល ២ឆ្នាំ ដូចមានរាយនាមខាងក្រោម៖ ១. ស៊ីអេធីខេមបូឌាអេស៊ាត្រាវែល ២. ខេ អេស អូ ត្រេនស្ព័ត ៣. វុឌ្ឍន៍ សុភាព ត្រេនស្ព័ត ៤. ផានអុីមុិច ៥. ថោង ស៊ីង ស៊ីង ឌីវេឡុបម៉ិន ហូលឌីង ៦. ពន្លឺអង្គរខ្មែរដឹកជញ្ជូន ៧. លាំង យូអេស អិចប្រេស ៨. (កម្ពុជា) អង្គរ ខូអិលធីឌី ៩. អង្គរមង្គលមានជ័យ ១០. ខេមបូត្រា អិចប្រេស ១១. ហ្គោលដេនបាយ័ន អ៊ិចប្រេស ១២. ប្ល៊ូបីស ត្រេនស្ព័ត ១៣. អេ សា វីន អ៊ីឡាយអិន ១៤. ប្រេនស៊ុបខា ១៥. ថេរ៉ូ អ៊ិចប្រេស ១៦. រិទ្ធី&រេកូខូអិលធីឌី (Red Taxi) ១៧. កាស៊ីម៉ិចខមអិលធីឌី ១៨. មានជ័យ វី អាយ ភី អិចប្រេស ឯ.ក ១៩. ប្រេស៊ីដេន អ៊ិនធើណេសិនណល អិចប្រេស ឯ.ក ២០. រ៉ូយ៉ាល់ខេមបូឌានលីម៉ូស៊ិន សឺវីសខូអិលធីឌី ២១. រស្មីភ្នំពេញ អិចប្រេស ដឹកអ្នកដំណើរ ២២. យេលឡូវ ស្ពាន អិចប្រេស ឯ.ក ២៣. គ្រឹស្គាល់ អិចប្រេស ២៤. អ៊ូបោរ ថេកណឡជី (ខេមបូឌា) ឯ.ក ២៥. ម៉ៅ សេម អេនធើប្រាយ អេន អ្វីផត អិចផត ២៦. ខេម ហ្គោ ឯ.ក ២៧. នុត បូរី ដឹកអ្នកដំណើរ ២៨. សណ្តាប់ ឯ.ក ២៩. ចិន្តាសុវណ្ណ ត្រេនស្ថិត ឯ.ក ៣០. ប៊ីហ្សនេស វីអាភី បាស ស្វេសិន ឯ.ក ៣១. ភួងហេងខូអិលធីឌី ៣២. អអេសរស្មីសៀមរាបត្រេនស្ព័ត ៣៣.សាលី អិចប្រេស ឯ.ក ៣៤. វ៉ាង វ៉ិច ៣៥.ដ្ឋី អេស ធី (ហ្គោលដែនស្ថេល ត្រង់ស្ទ័រត៍) ៣៦. ឡារីតា អិចប្រេស ឯ.ក ៣៧. សេ.អាន (ខេមបូឌា) អ៊ិនវេសម៉ិន ឌីវេឡុបម៉ឺន ឯ.ក។ អាស្រ័យហេតុនេះ ក្រសួងសាធារណការ និងដឹកជញ្ជូន សម្រេចបញ្ចប់សុពលភាពវិញ្ញាបនបត្រចុះ បញ្ជីធ្វើអាជីវកម្មដឹកជញ្ជូនផ្លូវគោក ក្រុមហ៊ុនខាងលើ ចាប់ពីថ្ងៃចេញសេចក្តីប្រកាសនេះតទៅ។ ក្នុងករណ៏ នៅតែបន្តធ្វើសកម្មភាពអាជីវកម្មដោយគ្មានលិខិតអនុញ្ញាត ម្ចាស់ក្រុមហ៊ុនត្រូវប្រឈមចំពោះមុខច្បាប់ជាធរមាន។ ក្នុងនោះក្រសួងសាធារណការ និងដឹកជញ្ជូន បានពិនិត្យឃើញថាមានក្រុមហ៊ុនដឹកអ្នកដំណើរចំនួន ៩ ក្រុមហ៊ុន មិនទាន់បានស្នើសុំ ឬមកបន្តសុពលភាពលិខិតអនុញ្ញាតឱ្យនីតិបុគ្គលធ្វើអាជីវកម្មដឹកជញ្ជូនផ្លូវគោកនៅឡើយ ដូចមានរាយនាមខាងក្រោម៖ ១. ឫទ្ធិ មុនី អិចប្រេស & ឡូជីស្ទីក ឯ.ក ២. ខេអេស គឹម សេង អ៊ិចប្រេស ឯ.ក ៣. ដា សុវណ្ណ អិចប្រេស ឯ.ក ៤. ភ្យុង ហ្គាង អ៊ិនដាស្ទៀល ឌីវេឡុបម៉ិន ឯ.ក ៥. រស្មី បាភ្នំ អ៊ិនវេសម៉ិន ឯ.ក ៦. ចក្រវាឡ គមនាគមន៍ អុិល ស៊ី ធី ឯ.ក ៧. ស៊្មូដ អបភើលធ័រ (ខេមបូឌា) អ៊ិនដាសស្ទ្រី ឯ.ក ៨. សុធេប អិចប្រេស ឯ.ក ៩. ឡឺមេជីស្ទីក ក្លូប៊ល ឯ.ក៕