កិច្ចប្រជុំក្រុមប្រឹក្សាភិបាលលើកទី៨ អាណត្តិទី៥ របស់មន្ទីរពិសោធន៍សំណង់ និងសាធារណការ ទីស្តីការក្រសួង៖ ថ្ងៃចន្ទ ៤កើត ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៨ ខែកញ្ញា ឆ្នាំ២០២៣ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមប្រឹក្សាភិបាលមន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាលលើកទី៨ អាណត្តិទី៥ របស់មន្ទីរពិសោធន៍សំណង់ និងសាធារណការ ដោយមានការចូលរួមពីតំណាងថ្នាក់ដឹកនាំក្រសួងស្ថាប័នពាក់ព័ន្ធ។ កិច្ចប្រជុំនេះធ្វើឡើងក្នុងគោលបំណងដើម្បីពិនិត្យ និងអនុម័តលើរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគឆមាសទី១ ឆ្នាំ២០២៣ របស់មន្ទីរពិសោធន៍សំណង់ និងសាធារណការ (មពសស) និងបញ្ហាផ្សេងៗមួយចំនួនទៀត។ សូមជម្រាបជូនថា មន្ទីរពិសោធន៍សំណង់ និងសាធារណការ ជាសហគ្រាសសាធារណៈ បានគោរពនូវរាល់គោលការណ៍ និងកាតព្វកិច្ច ដោយបានប្រមូលពន្ធអាករលើតម្លៃបន្ថែម (VAT) ពីអតិថិជន និងពន្ធអាករផ្សេងៗជាច្រើនទៀតបង់ចូលថវិការដ្ឋយ៉ាងត្រឹមត្រូវ៕