[The World News] - ប្រជាពលរដ្ឋ ខេត្តកំពង់ធំ និងខេត្តកំពង់ឆ្នាំង នឹងមានផ្លូវកាត់មួយ ងាយស្រួលធ្វើដំណើរ ដឹកជញ្ជូន និងចំណេញពេលវេលា
2018-03-22
ទៅកាន់ទំព័រចុះផ្សាយក្នុង The World News
ភ្នំពេញ៖ ផ្លូវក្រាលក្រួសក្រហមមួយខ្សែ ប្រវែងប្រមាណ ៥៣ គ.មតភ្ជាប់ពី សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ទៅកាន់ឃុំច្រណូក ស្រុកកំពង់លែង ខេត្តកំពង់ឆ្នាំង បានស្ថាបនាជិតរួចហើយៗគ្រោងនឹងដាក់ឱ្យដំណើរការមុនបុណ្យចូលឆ្នាំថ្មីប្រពៃណីជាតិខ្មែរ។
ផ្លូវមួយខ្សែនេះជាសរសៃឈាមដ៍សំខាន់ ដែលអាចបម្រើឱ្យប្រជាពលរដ្ឋទូទាំងប្រទេស ជាពិសេសប្រជាពលរដ្ឋដែលរស់នៅក្នុងខេត្តកំពង់ធំ និងខេត្តកំពង់ឆ្នាំង ដែលសម្រួលដល់ការធ្វើដំណើរ និងការដឹកជញ្ជូនបានងាយស្រួល និងចំណេញពេលវេលា។
សូមបញ្ជាក់ថា ផ្លូវនេះបានចាប់ផ្ដើមកសាងនៅដើមឆ្នាំ២០១៧ ហើយគ្រោងបញ្ចប់នៅឆ្នាំ២០១៨នេះដោយប្រើប្រាស់កញ្ចប់ថវិកាជាតិ។បច្ចុប្បន្ន ផ្លូវនេះសាងសង់បានប្រមាណ៨៥ភាគរយហើយ។ជំហានបន្ទាប់ស្ពានឆ្លងកាត់បឹងទន្លេសាបពីទីរួមខេត្តកំពង់ឆ្នាំង ទៅកាន់ស្រុកកំពង់លែង ខេត្តកំពង់ធំ នឹងត្រូវសាងសង់ជូនប្រជាពលរដ្ឋថែមទៀត។
ថ្មីៗនេះលោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ នឹងដឹកជញ្ជូន រួមដំណើរដោយ លោក សុខ លូ អភិបាលខេត្តកំពង់ធំ និងលោកអភិបាលខេត្តកំពង់ឆ្នាំង រួមទាំងប្រតិភូអមដំណើរ បានអញ្ជើញចុះពិនិត្យការដ្ឋានសាងសង់ផ្លូវលេខ៥០សេនេះ ដើម្បីធានាថាផ្លូវនេះមានគុណភាព និងដំណើរការឆាប់រួចរាល់៕
