ឯកឧត្តមរដ្ឋលេខាធិការ ប៉ាល់ ចន្ទតារា ដឹកនាំកិច្ចប្រជុំពិនិត្យពិភាក្សាបន្តលើការរៀបចំសេចក្តីព្រាងច្បាប់ ស្តីពីទឹកកខ្វក់ និងប្រព័ន្ធលូ តាមរយៈប្រព័ន្ធវីដេអូពីចម្ងាយ ថ្ងៃព្រហស្បតិ៍ ១២រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៥ ខែសីហា ឆ្នាំ២០២១ នៅទីស្ដីការក្រសួង ឯកឧត្តម ប៉ាល់ ចន្ទតារា រដ្ឋលេខាធិការក្រសួងសាធារណការ និង ដឹកជញ្ជូន និងជាប្រធានក្រុមការងារអន្តរក្រសួង បានអញ្ជើញដឹកនាំកិច្ចប្រជុំពិភាក្សាបន្តលើសេចក្តី ព្រាងច្បាប់ស្តីពីទឹកកខ្វក់ និងប្រព័ន្ធលូ ដោយមានការអញ្ជើញចូលរួមដោយផ្ទាល់ និងតាមប្រព័ន្ធវីដេអូពី ចម្ងាយពីថ្នាក់ដឹកនាំក្រសួងទទួលបន្ទុក មន្ត្រីជំនាញបច្ចេកទេស និងភាគីពាក់ព័ន្ធផងដែរ។ អង្គប្រជុំបានពិនិត្យពិភាក្សាយ៉ាងផុលផុសលើអត្ថន័យពាក្យពេចន៍ និងឃ្លាប្រយោគដែលត្រូវប្រើប្រាស់ ឱ្យមានសង្គតិភាពនិងច្បាស់លាស់នៅក្នុងការរៀបចំសេចក្តីព្រាងច្បាប់ស្តីពីទឹកកខ្វក់ និងប្រព័ន្ធលូដើម្បី ឈានទៅពន្លឿនការរៀបចំសេចក្តីព្រាងច្បាប់នេះឱ្យបានចប់សព្វគ្រប់តាមផែនការដែលបានគ្រោងទុក ដើម្បីដាក់ជូនកិច្ចប្រជុំអន្តរក្រសួងពិនិត្យពិភាក្សាបន្ត៕