[ANN] - រដ្ឋមន្ត្រីក្រសួងសាធារណការ ថា ការបណ្តុះបណ្តាលជំនាញ និងភាពជាអ្នកដឹកនាំដល់ស្ត្រី គឺដើម្បីរួមចំណែកអភិវឌ្ឍន៍ជាតិឲ្យកាន់តែប្រសើរ
2018-03-01
ទៅកាន់ទំព័រចុះផ្សាយក្នុង ANN
ភ្នំពេញ៖រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី០១ មីនា នេះ អំឡុងធ្វើជាអធិបតីក្នុងពិធីខួបអនុស្សាវរីយ៍លើកទី១០៧ ទិវានារីអន្តរជាតិ ឯទីស្ដីការក្រសួងសាធារណការ បានថ្លែងថា ការបណ្តុះបណ្តាលជំនាញ និងភាពជាអ្នកដឹកនាំដល់ស្ត្រី គឺដើម្បីរួមចំណែកអភិវឌ្ឍន៍ជាតិ ឲ្យកាន់តែប្រសើរ ។
ឯកឧត្តម ស៊ុន ចាន់ថុល បានលើកឡើង ពីការបណ្តុះបណ្តាលស្ត្រី អំពីការងារចុះបញ្ជី យានជំនិះតាមប្រព័ន្ធអនឡាញ ជំនាញកុំព្យូទ័រ ភាសាអង់គ្លេស អ៊ីនធឺណែត ការសិក្សាពហុជំនាញ និងភាពជាអ្នកដឹកនាំ ដែលទាំងនេះ គឺដើម្បីបង្កើនឱកាសកែលំអរផ្នត់គំនិតសង្គម ឲ្យកាន់តែប្រសើរឡើង និងបង្កើនការចូលរួមរបស់ស្ត្រី ដើម្បីរួមចំណែកដល់ការអភិវឌ្ឍន៍ជាតិ ឱ្យកាន់តែសំបូររុងរឿងថែមទៀត។
ជាមួយគ្នាឯកឧត្តរដ្ឋមន្ត្រី ក៏បានថ្លែងផងដែរ ពីសារសំខាន់ នៃសុខសន្តិភាព ដែលជាកត្តាមិនអាចខ្វះបានក្នុងការទាក់ទាញអ្នកវិនិយោគិន ភ្ញៀវទេសចរណ៍ និងការបង្កើតការងារធ្វើជូនប្រជាពលរដ្ឋ និងបានជំរុញឱ្យស្ត្រីទាំងអស់បន្តរួបរួមគ្នាថែរក្សាសុខសន្តិភាព ឱ្យបានគង់វង្ស។
ទីបញ្ចប់ឯកឧត្តមរដ្ឋមន្ត្រី ក៍បាននាំយកអំណោយ និងថវិកាមួយចំនួនជូននិយោជិតជាស្ត្រីទាំងអស់ និងបានសំណូមដល់ស្ត្រី ក៏ដូចបុរសជួយណែនាំបងប្អូនកូនក្មួយឱ្យពាក់មួកសុវត្ថិភាពឱ្យបានត្រឹមត្រូវ ពេលជិះឡានត្រូវពាក់ខ្សែក្រវាត់ និងពេលបើកបរកុំនិយាយទូរស័ព្ទ ដែលអាចបង្កគ្រោះថ្នាក់ចរាចរណ៍ជាយថាហេតុ ជាពិសេសត្រូវគោរពច្បាប់ចរាចរណ៍ឱ្យបានម៉ឺងម៉ាត់ ដើម្បីចូលរួមចំណែកជួយកាត់បន្ថយគ្រោះថ្នាក់ចរាចរណ៍៕
