ថ្ងៃព្រហស្បតិ៍ សុក្រ ៣រោច ៤រោច ខែកត្តិក ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៤ -១៥ ខែវិច្ឆិកា ឆ្នាំ២០១៩ នៅមន្ទីរសាធារណការ និងដឹកជញ្ជូនខេត្តរតនគិរី និងខេត្តមណ្ឌលគិរី បានរៀបចំ សិក្ខាសាលាអប់រំ ផ្សព្វផ្សាយចំណេះដឹង ស្តីពីមេរោគអេដស៍ ជំងឺអេដស៍ និងផលប៉ះពាល់នៃការប្រើប្រាស់ គ្រឿងញៀនដល់មន្ត្រីបង្គោលមន្ទីរសាធារណការ និងដឹកជញ្ជូនខេត្ត ក្រោមអធិបតីភាពឯកឧត្តម ម៉ា ស៊ុន ហួត អនុរដ្ឋលេខាធិការ និងជាអនុប្រធានគណៈកម្មាធិការអេដស៍ក្រសួង និងជាប្រធានក្រុមការងារទទួល បន្ទុកផ្សព្វផ្សាយ អប់រំ បង្ការការប្រើបំពានគ្រឿងញៀន និងឯកឧត្តម សេន ស៊ីហ៊ត់ អនុរដ្ឋលេខាធិការ និងជាប្រធានលេខាធិការដ្ឋានអេដស៍ក្រសួង។ សិក្ខាសាលានេះមានការចូលរួមពីសមាជិកក្រុមការងារទទួលបន្ទុកផ្សព្វផ្សាយ អប់រំ បង្ការការប្រើបំពាន គ្រឿងញៀន និងលេខាធិការដ្ឋានអេដស៍ក្រសួង ថ្នាក់ដឹកនាំមន្ទីរ និងមន្ដ្រីរាជការ ជាជនបង្គោលនៃមន្ទីរ សាធារណការ និងដឹកជញ្ជូនខេត្តរតនគិរី និងខេត្តមណ្ឌលគិរី ចំនួន ៦៧នាក់ ក្នុងនោះស្ត្រី ២៣នាក់។ សិក្ខាសាលានេះ រៀបចំឡើងដោយក្រុមការងារទទួលបន្ទុកផ្សព្វផ្សាយ អប់រំ បង្ការការប្រើបំពានគ្រឿង ញៀន និងគណៈកម្មាធិការប្រយុទ្ធនឹងជំងឺអេដស៍ក្រសួងសាធារណការ និងដឹកជញ្ជូន ក្នុងគោលបំណង ផ្សព្វផ្សាយ បញ្ជ្រាបការយល់ដឹងបានទូលំទូលាយនូវខ្លឹមសារជាមូលដ្ឋានចំណេះដឹងនានា ឱ្យដល់មន្ដ្រី រាជការ បុគ្គលិក កម្មករ ក្នុងក្របខ័ណ្ឌក្រសួងសាធារណការ និងដឹកជញ្ជូន និងក្រុមគ្រួសារ។ កម្មវិធីសិក្ខាសាលាផ្តោតជាសំខាន់លើការយល់ដឹងអំពីសិទ្ធិជាមូលដ្ឋានរបស់អ្នកផ្ទុកមេរោគអេដស៍ និងការចូលរួមលុបបំបាត់ការរើសអើងគ្រប់ប្រភេទ ចំពោះបងប្អូនប្រជាពលរដ្ឋ និងគ្រួសារ ដែលមាន ផ្ទុកមេរោគអេដស៍ និងជំងឺអេដស៍ជាដើម និងការផ្សព្វផ្សាយនូវចំណេះដឹងអំពីផលប៉ះពាល់នៃការប្រើ ប្រាស់គ្រឿងញៀនដល់សេដ្ឋកិច្ចសង្គម និងគ្រួសារ ។ ឯកឧត្តមអនុរដ្ឋលេខាធិការ បានគូសបញ្ជាក់ពីការរីករាលដាលនៃមេរោគអេដស៍ និងជំងឺអេដស៍ និងផល ប៉ះពាល់នៃការប្រើប្រាស់គ្រឿងញៀនដែលនៅតែបន្តគំរាមកំហែងដល់សុខភាព និងអាយុជីវិតបងប្អូន ប្រជាពលរដ្ឋយើងនៅឡើយ ជាពិសេសចំពោះក្រុមប្រឈមមុខខ្ពស់ រួមមាន៖ ក្រុមបុគ្គលិកកន្លែងកំសាន្ត សប្បាយ ក្រុមបុរសស្រឡាញ់បុរស ក្រុមអ្នកចាក់គ្រឿងញៀន និងការចម្លងពីម្តាយទៅកូន។ ឯកឧត្តមអនុរដ្ឋលេខាធិការ បានគូសបញ្ជាក់ផងដែរថាក្រសួងសាធារណការ និងដឹកជញ្ជូន បានបង្កើតនូវ ផែនការប្រតិបត្តិ សកម្មភាពការងារក្រោមជំនួយបច្ចេកទេសពីអាជ្ញាធរជាតិប្រយុទ្ធនឹងជំងឺអេដស៍ និង អាជ្ញាធរជាតិប្រយុទ្ធប្រឆាំងនឹងគ្រឿងញៀន ដើម្បីផ្តល់ចំណេះដឹងដល់ក្រុមការងារអប់រំអេដស៍ និងគ្រឿង ញៀនថ្នាក់ក្រោមជាតិឱ្យមានសមត្ថភាព ក្នុងការចូលរួមអប់រំផ្សព្វផ្សាយទប់ស្កាត់ការរីករាលដាននៃ មេរោគ អេដស៍ និងជំងឺអេដស៍ និងផលប៉ះពាល់នៃការប្រើប្រាស់គ្រឿងញៀនយ៉ាងសកម្ម។ សូមបញ្ជាក់ផងដែរថា៖ ក្នុងរយៈពេល ៩ខែ ដើមឆ្នាំ២០១៩ នេះ គណៈកម្មាធិការប្រយុទ្ធប្រឆាំងនឹង ជំងឺអេដស៍ក្រសួងសាធារណការ និងដឹកជញ្ជូន សហការជាមួយមន្ទីរសាធារណការ និងដឹកជញ្ជូន រាជធានី ខេត្ត បានធ្វើការផ្សព្វផ្សាយ អប់រំ ទប់ស្កាត់ការរីករាលដាលមេរោគអេដស៍ និងជំងឺអេដស៍ តាមរយៈវិស័យសាធារណការ និងដឹកជញ្ជូន មានអ្នកចូលរួមសរុបចំនួន ៨០.៥៣៥នាក់ ក្នុងនោះស្រី ៣៦.១៤៧នាក់។ កម្មវិធីផ្សព្វផ្សាយរយៈពេលពីរថ្ងៃនេះគឺជាលើកទី១៥សម្រាប់ខេត្តរតនគិរី និងលើកទី១៦ សម្រាប់ ខេត្តមណ្ឌលគិរី ហើយក្រុមការងារនឹងបន្តចុះអប់រំ ផ្សព្វផ្សាយដល់មន្ដ្រីបង្គោលរបស់មន្ដ្រីរាជធានី ខេត្តឱ្យបាន គ្រប់ទូទាំងប្រទេស៕