យុទ្ធនាការអប់រំផ្សព្វផ្សាយស្តីពីច្បាប់ចរាចរណ៍ផ្លូវគោក នៅតាមបណ្តោយផ្លូវជាតិលេខ៦ --- នៅព្រឹកព្រហស្បតិ៍ ១១រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនិងថ្ងៃទី២៤ ខែតុលា ឆ្នាំ២០១៩ អនុគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ធំ សហការជាមួយ មន្ទីរសាធារណការ និងដឹកជញ្ជូនខេត្តកំពង់ធំ នាយកដ្ឋានសុវត្ថិភាពចរាចរណ៍ផ្លូវគោក លេខាធិដ្ឋាន នៃអនុគណៈកម្មការសុវត្ថិភាពចរាចរណ៍ផ្លូវគោកខេត្ត ស្នងការដ្ឋាននគរបាលខេត្ត រដ្ឋបាលសាលាខេត្ត អាជ្ញាធរក្រុងស្ទឹងសែន ការិយាល័យសាធារណការ និងដឹកជញ្ជូនក្រុងស្ទឹងសែន សាលាបង្រៀនបើកបរយានយន្ដដៃនិម្មិត បានធ្វើយុទ្ធនាការអប់រំផ្សព្វផ្សាយច្បាប់ស្ដីពីចរាចរណ៍ផ្លូវគោក នៅខាងជើងស្ពានកំពង់ធំ មុខសណ្ឋាគារមិត្តភាព ស្ថិតនៅភូមិកំពង់ក្របៅ សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ ក្រោមអធិបតីភាព ឯកឧត្តម សុខ លូ អភិបាលខេត្ត និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោក ហើយមានកម្មវិធីសួរសំនួរយកមួកសុវត្ថិភាព និងចែកខិតបណ្ណពាក់ព័ន្ធច្បាប់ចរាចរណ៍ផ្លូវគោក ដោយចំណាយសំភារៈដូចខាងក្រោម ៖ ១.មួកសុវត្ថិភាព មនុស្សធំចំនួន ៤២មួក ២.មួកសុវត្ថិភាពមនុស្សតូចចំនួន ២០មួក ៣.ខិត្តបណ្ណជំនួយស្មារតីស្ដីពីច្បាប់ចរាចរណ៍ផ្លុវគោកចំនួន ១៣០០ ៤.ស្ទឺកឃ័រចំណាំងផ្លាតចំនួន ១១៥០ សន្លឹក។