កាលពីម្សិលមិញនេះតាមរយៈគណនេយ្យហ្វេសបុកឈ្មោះថា Ly Sy បានបង្ហោះសារមួយ ដោយបង្ហាញការមិនសប្បាយចិត្ត ក្រោយពីកូនតូចធ្លាក់ខ្លួនឈឺដោយសារជំងឺរលាកសួត ដែលនេះជាលើកទី០៦ហើយដែលរូបគាត់នាំកូនមកពេទ្យ មូលហេតុចំបងដែលបណ្តាលឲ្យកូនរបស់ គាត់ឈឺបែបនេះនេះ ដោយសារតែស្រូបដីហុយពីការធ្វើកំណាត់ផ្លូវជាតិលេខ៣ ដែលរយៈពេល១ឆ្នាំហើយ នៅតែធ្វើមិនទាន់រួចនៅឡើយទេ។ នេះបើតាមគណនេយ្យហ្វេសបុក ខាងលើបានបង្ហោះរូបកូនតូចឈឺ និងសារយ៉ាងដូច្នេះថា៖ ជាសារផ្ដាំផ្ញេីរទៅអ្នកម្ដាយគ្រប់រូប​ ខ្ញុំរស់នៅលេីកំណាត់ផ្លូវជាតិលេខ3 ដែលជាផ្លូវកំពុងសាងសង់​ វាមានរយ:ពេល1 ឆ្នាំជាងហេីយនៅមិនទាន់រួចរាល់ទេ​ ដោយរាល់ថ្ងៃពាក់ម៉ាស់ផង​ ស្រោចទឹក មុខផ្ទះផង​ ឡានបាញ់ទឹកផងនៅតែមិនបាត់ហ៊ុយ​ រីឯក្មេងៗតូចមិនចេះពាក់ម៉ាស់ទេ​ ដូចជាកូនខ្ញុំ​ គាត់ត្រូវ​ស្រូបដីពីមួយថ្ងៃទៅមួយថ្ងៃ​ រលាកសួតចូលពេទ្យ​ ចេញពីពេទ្យមិនបាន1 អាទិត្យផង​ ត្រូវរលាកសួតម្ដងទៀត​ 1ឆ្នាំជាងមកនេះកូនខ្ញុំរលាកសួត​ 5ដងហេីយ​ ហេីយថ្ងៃនេះដែរ គឺជាលេីកទី​ 6 ហេីយ​ ខ្ញុំសូមអោយអ្នកម្ដាយគ្រប់រូបមេីលថែកូនចៅអោយល្អដេីម្បីកុំអោយជួបបញ្ហាដូចខ្ញុំ​ សូមអរគុណ