[CEN] - ជំនន់ទឹកភ្លៀងហូរច្រោះផ្លូវបេតុងឡើងភ្នំអានសេះ ដែលធ្វើឱ្យមានការស្រុតបាក់
2019-09-06
ទៅកាន់ទំព័រចុះផ្សាយក្នុង CEN
ព្រះវិហារ ៖ ក្រសួងសាធារណការ និងដឹកជញ្ជូន បានឲ្យដឹងថា សេចក្តីរាយការណ៍បឋម អំពីផលប៉ះពាល់ផ្លូវបេតុងឡើងភ្នំអានសេះដោយជំនន់ទឹកភ្លៀងស្ថិតក្នុងស្រុកជាំក្សាន្ត ខេត្តព្រះវិហារ។
កាលពីថ្ងៃទី ០៥ខែ កញ្ញា ឆ្នាំ ២០១៩ ផ្លូវបេតុងឡើងភ្នំអានសេះប្រវែង ១២០ម ទទឹង ៩ម ចាប់ពីគ.ម ២+០០០ ដល់ ២+១២០ ត្រូវបានខូចខាតដោយភ្លៀងធ្លាក់ខ្លាំងចំនួនបួនថ្ងៃជាប់ៗគ្នាបានបង្កទៅជាជំនន់ទឹកភ្លៀងហូរច្រោះផ្លូវដែលធ្វើឱ្យមានការស្រុតបាក់។ បច្ចុប្បន្ន ក្រសួង និងភាគីពាក់ពន្ធ័កំពុងតែយកចិត្តទុកដាក់ក្នុងកិច្ចការជួសជុលឡើងវិញនៅកំណាត់ផ្លូវដែលរងការខូចខាតនេះដើម្បីសម្រួលចរាចរណ៍ជូនបងប្អូនប្រជាពលរដ្ឋ។
សូមបញ្ជាក់ដែរថា ប៉ុន្មានថ្ងៃនេះប្រទេសកម្ពុជា បានទទួលរងឥទ្ធិពលព្យុះជាប់ៗគ្នា ធ្វើឱ្យមានភ្លៀងធ្លាក់បន្តបន្ទាប់ឥតឈប់ឈរ ដែលកំពុងគំរាមគំហែងដល់ផ្លូវមួយចំនួននៅក្នុងប្រទេសកម្ពុជា អ្រាស័យហេតុនេះសូមបងប្អូនប្រជាពលរដ្ឋមេត្តាអធ្យាស្រ័យ និងមានការប្រុងប្រយត្ន័៕
