ថ្ងៃអង្គារ ៥រោច ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២០ ខែសីហា ឆ្នាំ២០១៩ លោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានដឹកនាំកិច្ចប្រជុំស្តីអំពីការរៀបចំផែនការថ្នាក់ជាតិទាក់ទងនឹងការដឹកជញ្ជូន និងភស្តុភារកម្មដោយមានការចូលរួមធ្វើបទបង្ហាញពីឯកឧត្តម សុក ស៊ីផាន់ណា ទីប្រឹក្សាជាន់ខ្ពស់រាជរដ្ឋាភិបាល ជូនថ្នាក់ដឹកនាំ និងមន្រ្តីនៃអគ្គនាយកដ្ឋានភស្តុភារកម្ម។ ការធ្វើបទបង្ហាញនេះផ្តោតជាសំខាន់លើកិច្ចសម្រួលពាណិជ្ជកម្មក្នុងតំបន់ការប្រកួតប្រជែងលើខ្សែសង្វាក់ផ្គត់ផ្គង់ជាមួយប្រទេសក្នុងតំបន់មេគង្គ និងប្រទេសជាសមាជិកអាស៊ាន ពាក់ព័ន្ធការតភ្ជាប់តំបន់សេដ្ឋកិច្ចពិសេស ការអភិវឌ្ឍហេដ្ឋារចនាសម្ព័ន្ធដឹកជញ្ជូនផ្លូវគោក (ផ្លូវថ្នល់ និងផ្លូវដែក) ផ្លូវទឹក ផ្លូវសមុទ្រ វិស័យកំពង់ផែ តម្លៃដឹកជញ្ជូន និងការលើកដាក់ទំនិញ ថិរវេលានៃការដឹកជញ្ជូន យុទ្ធសាស្រ្ត អនុយុទ្ធសាស្រ្តសម្រាប់អនុវត្តផែនការមេ ការស្វែងរកប្រភពធនធានពីដៃគូអភិវឌ្ឍន៍ ដើម្បីអនុវត្តផែនការមេ និងបញ្ហាប្រឈមនានាដែលរាំងស្ទះដល់ការអនុវត្តផែនកាមេថ្នាក់ជាតិស្តីពីការដឹកជញ្ជូន និងភស្តុភារកម្ម ៕