ភ្នំពេញ៖ យោងតាមរបាយការណ៍ អគ្គស្នងការដ្ឋាននគរបាលជាតិបានឲ្យដឹងថា មានករណីគ្រោះថ្នាក់ចរាចរណ៍ នៅទូទាំងប្រទេសនៅថ្ងៃទី១៥ ខែកក្កដា ឆ្នាំ២០១៩ បានកើតឡើងចំនួន២១លើក បង្កឲ្យមានមនុស្សស្លាប់៨នាក់, របួសស្រាល១៩នាក់ និងរបួសធ្ងន់២៣នាក់។ ប្រភពដដែលបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍ទាំង២១លើកនេះ បណ្ដាលឲ្យខូតខាតម៉ូតូចំនួន២២គ្រឿង, រថយន្តតូច១៣គ្រឿងហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមាន៖ ល្បឿន, មិនគោរពសិទ្ធ, មិនប្រកាន់ស្ដាំ, ប្រជែង, បត់ឆ្វេងស្ដាំ, និងកត្ដាយាន។ គួរជ្រាបថា រយៈពេល១៥ថ្ងៃ ចាប់ពីថ្ងៃទី០១ ដល់ថ្ងៃទី១៥ ខែកក្កដា ឆ្នាំ២០១៩នេះ មានករណីគ្រោះថ្នាក់ចរាចរណ៍កើតឡើង១៦៥លើក, បណ្ដាលឲ្យមនុស្សស្លាប់ចំនួន៧១នាក់ របួសធ្ងន់១៥៣នាក់ និងរបួសស្រាល១១០នាក់៕