កិច្ចប្រជុំផ្ទៃក្នុងដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី ការគ្រប់គ្រងការប្រើប្រាស់ដីចំណីផ្លូវនៅតាមបណ្ដាញផ្លូវថ្នល់ ទីស្ដីការក្រសួង៖ នាព្រឹកថ្ងៃព្រហស្បតិ៍ ទី២ ខែកក្កដា ឆ្នាំ២០២៦ ឯកឧត្ដម ប៉ាល់ ចន្ទតារា រដ្ឋលេខាធិការ និងជាប្រធានក្រុមការកំណែទម្រង់ច្បាប់ នៃក្រសួងសាធារណការ និងដឹកជញ្ជូន បានដឹកនាំកិច្ចប្រជុំផ្ទៃក្នុងដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី ការគ្រប់គ្រងការប្រើប្រាស់ដីចំណីផ្លូវនៅតាមបណ្ដាញផ្លូវថ្នល់ មុននឹងកិច្ចប្រជុំអន្តរក្រសួងចង្អៀតនៅទីស្ដីការគណៈរដ្ឋមន្រ្តី ដែលមានការអញ្ជើញចូលរួមពីលោក លោកស្រី ដែលជាតំណាងអគ្គនាយកដ្ឋាន និងមន្ត្រីជំនាញបច្ចេកទេសផងដែរ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យ និងពិភាក្សាលើចំណុច និងខ្លឹមសារមួយចំនួនដែលសេសសល់ក្នុងសេចក្ដីព្រាងអនុក្រឹត្យនេះ មុននឹងបន្តកិច្ចប្រជុំអន្តរក្រសួងចង្អៀតនាពេលខាងមុខនេះ នៅទីស្ដីការគណៈរដ្ឋមន្រ្តី៕