ការចុះពិនិត្យវឌ្ឍនភាពនៃគម្រោងដំណាក់កាលប្រតិបត្តិការ និងថែទាំប្រព័ន្ធទឹកកខ្វក់ប្រចាំខែមិថុនា ឆ្នាំ២០២៦ នាថ្ងៃទី២៩-៣០ ខែមិថុនា ឆ្នាំ២០២៦ ឯកឧត្តម ចៅ សុភៈភិបាល អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ និងជានាយកគម្រោង ដឹកនាំក្រុមការងារនៃអង្គភាពគ្រប់គ្រងគម្រោង ចុះពិនិត្យ និងដឹកនាំកិច្ចប្រជុំពិភាក្សាស្តីពី៖«វឌ្ឍនភាពនៃគម្រោងដំណាក់កាលប្រតិបត្តិការ និងថែទាំប្រព័ន្ធទឹកកខ្វក់ប្រចាំខែមិថុនា ឆ្នាំ២០២៦» នៅក្រុងបាត់ដំបង ក្រុងពោធិ៍សាត់ និងក្រុងកំពង់ឆ្នាំង ក្រោមការអនុវត្តដោយក្រុមហ៊ុន T.C.M Engineering Company Ltd., ដោយមានការចូលរួមពីតំណាងមន្ទីរសាធារណការ និងដឹកជញ្ជូនខេត្តពាក់ព័ន្ធ តំណាងក្រុមហ៊ុន T.C.M Engineering Company Ltd., និងអ្នកជំនាញខាងវិទ្យាស្ថានអភិវឌ្ឍន៍បែតងសកល (GGGI)។ ការចុះពិនិត្យនេះ ត្រូវបានរៀបចំឡើងក្នុងគោលបំណងសំខាន់ៗចំនួន៣ រួមមាន៖១). ពិនិត្យវឌ្ឍនភាព បញ្ហាប្រឈម និងលទ្ធផលនៃការប្រតិបត្តិការ និងថែទាំប្រព័ន្ធទឹកកខ្វក់ ២). ពិភាក្សាពីបញ្ហាសំខាន់ៗដែលត្រូវដោះស្រាយ និង ៣). ពិនិត្យផែនការសកម្មភាពសម្រាប់ខែបន្ទាប់ ដើម្បីធានាឱ្យបានការអនុវត្តឱ្យមានប្រសិទ្ធភាព ស្របតាមកិច្ចសន្យា។ សូមបញ្ជាក់ផងដែរថា ការចូលរួមរបស់វិទ្យាស្ថាន GGGI មានគោលបំណងក្នុងការចូលរួមពិនិត្យ និងផ្តល់យោបល់បច្ចេកទេស ដើម្បីគាំទ្រដល់ការដោះស្រាយបញ្ហាប្រឈមដែលបានជួបប្រទះក្នុងការប្រតិបត្តិការ និងថែទាំប្រព័ន្ធទឹកកខ្វក់៕