កិច្ចប្រជុំពិភាក្សាស្ដីពី ការធ្វើបច្ចុប្បន្នភាពលើទំហំការងារនៃគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង ទីស្ដីការក្រសួង៖ នាថ្ងៃចន្ទ ទី២២ ខែមិថុនា ឆ្នាំ២០២៦ ឯកឧត្តម ហេង ណន រដ្ឋលេខាធិការ និងជានាយកគម្រោង បានអញ្ជើញដឹកនាំក្រុមការងារអង្គភាពគ្រប់គ្រងគម្រោងប្រជុំពិនិត្យលើការធ្វើបច្ចុប្បន្នភាពទំហំការងារលើការអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង (UIDP)។ កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវ ជានាយករងគម្រោង លោកប្រធានគ្រប់គ្រងគម្រោង សមាជិក-សមាជិកាអង្គភាពគ្រប់គ្រងគម្រោង ក្រុមហ៊ុនទីប្រឹក្សាបច្ចេកទេស Kunhwa Engineering & consulting Co. LTD តំណាងក្រុមហ៊ុន ES International Consultants តំណាងក្រុមហ៊ុន Yooshin Engineering Corporation និងមន្រ្តីបច្ចេកទេសពាក់ព័ន្ធផងដែរ។ នៃកិច្ចប្រជុំនេះរៀបចំឡើងដើម្បីពិភាក្សាលម្អិតអំពីពីទំហំការងាររបស់ក្រមហ៊ុនទីប្រឹក្សាបច្ចេកទេស Kunwa Engineering ក្នុងការសិក្សាសមិទ្ធិលទ្ធភាព (FS) និងគំនូសប្លង់បច្ចេកទេសលម្អិត (DeD) ក្នុងក្រុងនៃខេត្តចំនួន៤ រួមមានៈ ក្រុងកំពង់ឆ្នាំង ខេត្តកំពង់ឆ្នាំង ក្រុងព្រៃវែង ខេត្តព្រៃវែង ក្រុងដូនកែវ ខេត្តតាកែវ និងក្រុងកំពង់ចាម ខេត្តកំពង់ចាម៕