កិច្ចប្រជុំបេសកកម្មដំបូង របស់ធនាគារពិភពលោក សម្រាប់គាំទ្រការអនុវត្តគម្រោងការតភ្ជាប់ហេដ្ឋារចនាសម្ព័ន្ធក្នុងព្រះរាជាណាចក្រកម្ពុជា (CRCI) ដំណាក់កាលទី១ ភ្នំពេញ៖ នាថ្ងៃចន្ទ ទី១៥ ខែមិថុនា ឆ្នាំ២០២៦ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញជួបប្រជុំជាមួយលោក Mr.Sadig Aliyev មន្ត្រីជាន់ខ្ពស់ផ្នែកដឹកជញ្ជូន (TL,Lead transport specialist) នៃធនាគារពិភពលោក(World Bank) ស្ដីពីបេសកកម្មដំបូង របស់ធនាគារពិភពលោក (World Bank) សម្រាប់គាំទ្រការអនុវត្តគម្រោងការតភ្ជាប់ហេដ្ឋារចនាសម្ព័ន្ធក្នុងព្រះរាជាណាចក្រកម្ពុជា (CRCI) ដំណាក់កាលទី១ ដោយមានការអញ្ជើញចូលរួមពីថ្នាក់ដឹកនាំក្រសួង ក្រុមការងារអ្នកជំនាញរបស់ធនាគារពិភពលោក និងសមាជិក សមាជិកាគម្រោងផងដែរ។ កិច្ចប្រជុំនេះ រៀបចំឡើងក្នុងគោលបំណង ដើម្បីពិនិត្យ និងពិភាក្សាអំពីវឌ្ឍនភាពការងារអនុវត្តគម្រោងជាមួយធនាគារពិភពលោក រួមមាន៖ នីតិវីធី និងដំណើរការនៃការគ្រប់គ្រងផ្នែកហិរញ្ញវត្ថុ ការងារលទ្ធកម្ម ការងារបរិស្ថាន និងសង្គម ដើម្បីឱ្យការអនុវត្តការងារគម្រោងនេះទទួលបានលទ្ធផលល្អ ប្រកបដោយប្រសិទ្ធភាព និងប្រសិទ្ធផលស្របតាមផែនការដែលបានគ្រោងទុក។ សូមជម្រាបជូនថា កិច្ចប្រជុំបេសកកម្មដំបូង របស់ធនាគារពិភពលោក (World Bank) សម្រាប់ការ គាំទ្រការអនុវត្តគម្រោងការតភ្ជាប់ហេដ្ឋារចនាសម្ព័ន្ធក្នុងព្រះរាជាណាចក្រកម្ពុជា (CRCI) នេះផងដែរ មានរយៈពេល៤ថ្ងៃ គឺនៅថ្ងៃទី១៥ ដល់ ១៧ និង១៩ ខែមិថុនា ឆ្នាំ២០២៦៕